దుబ్బాక, వెలుగు : సిద్దిపేట జిల్లా దుబ్బాక శివారులోని మలుపు వద్ద స్కూల్ పిల్లల ఆటో చెట్టును ఢీకొనడంతో 12 మందికి గాయాలయ్యాయి. స్థానికుల కథనం ప్రకారం.. మండలంలోని కమ్మర్పల్లికి చెందిన 13 మంది స్టూడెంట్స్రోజు మాదిరిగానే మంగళవారం ఆటోలో దుబ్బాకలోని ఓ ప్రైవేట్ స్కూల్కు వెళ్తున్నారు. దుబ్బాక శివారులోని మలుపు వద్దకు రాగానే డ్రైవర్ అజాగ్రత్త వల్ల ఆటో అదుపుతప్పి చెట్టును ఢీకొని బోల్తా పడింది.
ఈ ప్రమాదంలో స్టూడెంట్స్ఒకరిపై ఒకరు పడడంతో 12 మందికి తీవ్ర గాయాలయ్యాయి. విషయం తెలుసుకున్న పేరెంట్స్ గాయపడిన పిల్లలను సిద్దిపేటలోని ప్రైవేట్ ఆస్పత్రులకు తరలించారు. ప్రతి రోజు ఆటోలో 22 మంది స్టూడెంట్స్ వచ్చేవారని, ఈ రోజు 13 మంది రావడంతో ప్రమాదం తప్పిందని తల్లిదండ్రులు పేర్కొన్నారు.
