- బ్లాస్టింగ్ మొలాసిస్ కలవడంతో మృత్యువాత
పెనుబల్లి, వెలుగు : బ్లాస్టింగ్ మొలాసిస్ కలిసిన నీటిని తాగడంతో 13గొర్రెలు చనిపోయాయి. బాధితుల కథనం ప్రకారం.. ఖమ్మం జిల్లా పెనుబల్లి మండలం రామచంద్రారావు బంజర్గ్రామానికి చెందిన బోలె రాంబాబు 100గొర్రెలను మేపుతూ లంకాసాగర్ క్రాస్రోడ్లోని పంజాబీ దాబా రెస్టారెంట్లో ఉన్న బీడు భూమిలోకి తోలుకెళ్లాడు. కొన్ని రోజులుగా కురుస్తున్న వర్షాలకు నీరు నిల్వ ఉండడంతో ఆ నీళ్లను తాగిన13గొర్రెలు అక్కడే పడిపోయాయి. రైతు ఏమైందని చూడగా అక్కడ ఆగి ఉన్న ఓ లారీ ట్యాంకర్నుంచి కెమికల్లీకై ఆ వాటర్లో కలుస్తోంది.
వెంటనే స్థానిక వీఎం బంజర్పోలీసులతో పాటు వెటర్నరీ డిపార్ట్మెంట్కు సమాచారం ఇచ్చాడు. ఆరు నెలలుగా హైదరాబాద్కు చెందిన ఓ ప్రైవేట్కంపెనీ సత్తుపల్లి సింగరేణిలోకి బ్లాస్టింగ్మొలాసిస్సప్లై చేస్తోంది. దీన్ని గనుల్లో పేలుడుకు ఉపయోగిస్తారు. వీరికి స్టోరేజ్లేకపోవడంతో పెనుబల్లి మండలంలోని లంకాసాగర్ అడ్డా రోడ్లోని దాబా వెనుక ఒక లారీ ట్యాంకర్ నుంచి మరో ట్యాంకర్ లోకి మారుస్తుండగా మొలాసిస్లీక్ అవుతోంది. రెండు నెలలు క్రితం వరకు వర్షాలు లేకపోవడంతో మొలాసిస్ఎండకు ఆవిరయ్యేది. నెల రోజులుగా కురుస్తున్న వర్షాలకు ట్యాంకర్ల దగ్గర నీరు నిల్వ ఉండడంతో మొలాసిస్ ఆ నీటిలో కలిసింది. ఆ నీళ్లను తాగిన గొర్రెలు చనిపోయాయి. అధికారులు ఘటనపై దర్యాప్తు చేస్తున్నారు.
