మల్కాజిగిరి, వెలుగు: హాష్ ఆయిల్ను తరలిస్తున్న అంతర్రాష్ట్ర డ్రగ్స్ ముఠాను ఎల్ బీనగర్ ఎస్ఓటీ, హయత్నగర్పోలీసులు అరెస్ట్ చేశారు. నిందితుల వద్ద 13.5 కేజీల హాష్ ఆయిల్ స్వాధీనం చేసుకోగా.. దీని విలువ సుమారు రూ.1.8 కోట్లు ఉంటుంది. నేరెడ్ మెట్ లోని రాచకొండ కమిషనరేట్ లో సీపీ సుధీర్బాబు సోమవారం మీడియాకు వివరాలు తెలిపారు. ఏపీలోని వైజాగ్ ప్రాంతం నుంచి వంచుర్ల కొండబాబు(30), అల్లూరి సీతారామరాజు జిల్లాకు వంచుర్ల బాలకృష్ణ(20) బంధువులు. ఇద్దరూ వ్యవసాయ పనులు చేస్తుంటారు. కొండబాబు అన్నవరంలో ప్రతి వారం జరిగే పశువుల సంతకు వెళ్తుంటాడు.
అక్కడ కొద్ది నెలల కిందట అతనికి ఓ వ్యక్తి పరిచయమై, డ్రగ్స్ అమ్మితే ఎక్కువగా డబ్బులు వస్తాయని ఆశచూపాడు. అప్పటికే డ్రగ్స్అమ్ముతూ పట్టుబడి జైలుకు వెళ్లిన బాలకృష్ణకు కొండబాబు విషయం చెప్పగా అంగీకరించి.. డ్రగ్స్ రవాణా మొదలుపెట్టారు. ఇద్దరూ వైజాగ్, ఒడిశాలోని అటవీ ప్రాంతాల్లో హాష్ ఆయిల్ తక్కువ ధరకు కొనుగోలు చేసి హైదరాబాద్కు తీసుకొచ్చేవారు. ఇక్కడ నుంచి బెంగళూరుకు చెందిన రిసీవర్ తీసుకుని వెళ్లేవాడు.
కొద్దిరోజుల కిందట బెంగళూరు కు చెందిన డ్రగ్స్రిసీవర్కొండబాబుకు ఫోన్చేసి ఆర్జంట్ గా14 కేజీల హాష్ ఆయిల్ కావాలని కోరారు. దీంతో కొండబాబు, బాలకృష్ణ గత శనివారం హాష్ ఆయిల్ కొనుగోలు చేసి తీసుకుని సిటీకి వచ్చారు. పెద్ద అంబర్పేట వద్ద తాజాఫుడ్స్హో టల్లో బెంగళూరుకు చెందిన డ్రగ్స్రిసీవర్వెయిట్ చేస్తుండగా.. సమాచారం అందడంతో పోలీసులు వెళ్లి రైడ్ చేశారు. నిందితుల బ్యాగులు చెక్ చేయగా హాష్ ఆయిల్ దొరికింది. వారిని అరెస్ట్ చేసి 2 సెల్ఫోన్లు, రూ.2వేల నగదు స్వాధీనం చేసుకున్నట్లు సీపీ సుధీర్బాబు తెలిపారు. ప్రధాన రిసీవర్ పరారీలో ఉన్నాడు.
