- శ్మశానవాటిక బ్యూటిఫికేషన్కు మరో రూ.15 లక్షలు
- హుస్నాబాద్ మున్సిపల్ కౌన్సిల్ తీర్మానం
హుస్నాబాద్, వెలుగు : సిద్దిపేట జిల్లా హుస్నాబాద్లో కరెంటు స్తంభాలు, స్ట్రీట్లైట్ల ఏర్పాటుతోపాటు శ్మశానవాటిక బ్యూటిఫికేషన్, శానిటేషన్ వెహికల్స్కు ఇన్సూరెన్స్చేయించేందుకు మున్సిపల్ కౌన్సిల్ ఆమోదం తెలిపింది. పలు వార్డుల్లో రూ.15 లక్షలతో కరెంటుస్తంభాలు, స్ట్రీట్లైట్లను ఏర్పాటు చేసేందుకు సభ్యులు సమ్మతి తెలిపారు. చైర్ పర్సన్ ఆకుల రజిత అధ్యక్షతన గురువారం కౌన్సిల్ సమావేశాన్ని ఏర్పాటు చేసి, 2024–-25లో చేపట్టబోయే పలు అంశాలపై చర్చించారు. మార్కెట్దగ్గర ఉన్న శ్మశానవాటికలో
రూ.15లక్షలతో బ్యూటిఫికేషన్పనులు చేయాలని తీర్మానం చేశారు. మరో రూ.15 లక్షలతో శానిటేషన్ వెహికిల్స్కు ఇన్సూరెన్స్చేయాలని నిర్ణయించారు. రూ.4 లక్షలతో పారిశుధ్య కార్మికులకు బట్టలు, సబ్బులు, నూనె, బూట్లు తదితర వస్తువులు కొనుగోలు చేయాలని తీర్మానం చేశారు. 20 వార్డుల్లో పారిశుధ్య నిర్వహణ కోసం ఉపయోగిస్తున్న ఆటోలు, ట్రాక్టర్లు, డోజర్, వైకుంటరథాన్ని రిపేర్తోపాటు ఆయిల్ చేంజ్ చేసేందుకు రూ.2లక్షలు కేటాయిస్తూ ఆమోదం తెలిపారు.
పారిశుధ్య వాహనాల జీపీఆర్ఎస్ సిస్టానికి రూ.90వేలు కేటాయించారు. వీటితోపాటు 25 అంశాలపై సభ్యులు ఏకగ్రీవంగా ఆమోదం తెలుపుతూ తీర్మానం చేశారు. ఈ సమావేశంలో మున్సిపల్ వైస్ చైర్ పర్సన్ అయిలేని అనిత, కమిషనర్ మల్లికార్జున్, కౌన్సిలర్లు, కో- ఆప్షన్ మెంబెర్లు, అధికారులు పాల్గొన్నారు.
