- నెల రోజుల్లో రూ.158.84 కోట్ల లిక్కర్ సేల్
నాగర్ కర్నూల్, వెలుగు: ఓ వైపు ఎలక్షన్ల ప్రచారం.. మరోవైపు పెండ్లిండ్ల దావత్లతో నాగర్ కర్నూల్ జిల్లాలో ఒక్క నెలలోనే రూ.158.84 కోట్ల లిక్కర్ సేల్ అయ్యింది. మే నెల మొదటి వారంలోనే రూ.36 కోట్ల మద్యం అమ్ముడుపోయింది. ఈ లెక్కలు చూస్తుంటే బండ్లకు డీజిల్, జనానికి మందు లేకుంటే ఎలక్షన్లు నడిచే పరిస్థితి లేదని అంటున్నారు. అలాగే ఏప్రిల్ నెల మొత్తం మంచి ముహూర్తాలు ఉండడంతో పెండ్లిళ్లు, గృహ ప్రవేశాలు, ఇతరత్రా ఫంక్షన్లకు రెస్ట్ లేకుండా పోయింది. దావత్లకు గ్యాప్ లేకపోవడంతోనే భారీగా లిక్కర్ సేల్స్ జరిగాయిన అంటున్నారు. నాగర్ కర్నూల్ జిల్లాలో 67 వైన్ షాపులు,6 బార్లు ఉన్నాయి.
ఏప్రిల్ నెలలో రికార్డ్ సేల్స్..
ఏప్రిల్ నెలలో ఎండలు దంచికొట్టినా బీర్ల షార్టేజ్తో లిక్కర్ సేల్స్ బాగా పెరిగాయి.ఏప్రిల్లో 1,57,684 కార్టన్ల బీర్లు అమ్ముడుపోతే, 2,62,345 కార్టన్ల లిక్కర్ సేల్ అయ్యింది. మే మొదటి వారంలో 38,239 కార్టన్ల బీర్లు, 44,878 కార్టన్ల లిక్కర్ అమ్ముడైంది. అలాగే ఇండియన్ మేడ్ ఫారిన్ లిక్కర్తో పాటు గ్రామాల్లో గుడుంబా, కల్లు పుష్కలంగా దొరుకుతోంది.
