- మొదటి యూనిట్ బాయిలర్లో స్టీమ్ జనరేషన్ టెస్ట్ సక్సెస్
- కొద్ది నెలల్లోనే విద్యుత్ ఉత్పత్తికి చాన్స్
గోదావరిఖని, వెలుగు : రామగుండంలోని తెలంగాణ ప్లాంట్లో 1600 మెగావాట్ల విద్యుత్ ఉత్పత్తి కోసం జరుగుతున్న రెండు యూనిట్ల మొదటి దశ పనులు దాదాపు పూర్తి కావచ్చాయి. రాష్ట్రాల పునర్విభజన చట్టం ప్రకారం ఈ ప్లాంట్ మంజూరు కాగా, అందులో భాగంగా చేస్తున్న పనులు వచ్చే డిసెంబర్‌ కల్లా పూర్తి చేసి విద్యుత్ ఉత్పత్తి చేసే అవకాశాలున్నాయి.
బాయిలర్లో స్టీమ్బ్లోయింగ్టెస్ట్
ఈ నెల 1న తెలంగాణ ప్లాంట్‌‌‌‌లోని స్టేజ్‌–1లో 800 మెగావాట్ల మొదటి యూనిట్‌‌‌‌కు చెందిన బాయిలర్లో స్టీమ్ బ్లోయింగ్ టెస్ట్ నిర్వహించగా సక్సెస్ అయ్యింది. ఈ బాయిలర్లో బొగ్గు కాకుండా ఆయిల్‌ వేసి మండించి టెస్ట్ చేశారు. బాయిలర్లో ఉండే 130 మోటర్లలో ప్రతి మోటర్‌ పనిచేస్తుందా..లేదా అని పరీక్షించారు. ఈ ప్రక్రియ 15 రోజుల నుంచి 20 రోజుల వరకు కొనసాగనున్నది. ఇది ఈ ప్రాజెక్ట్‌‌‌‌లోనే కీలక ఘట్టం. ప్రతి థర్మల్‌ పవర్‌ ప్రాజెక్ట్‌‌‌‌లో బాయిలర్, టర్బైన్‌, జనరేటర్లు ముఖ్యమైనవి. వీటిలో బాయిలర్లో విడుదలయ్యే స్టీమ్‌‌‌‌ను ఎకనోమైజర్‌ ద్వారా సూపర్‌ హీటెడ్‌ స్టీంగా మార్చి టర్బైన్‌‌‌‌కు తిరిగి ఆ స్టీమ్‌‌‌‌ను వినియోగిస్తారు. అయితే కంబైన్డ్‌ మెయిన్‌ స్టీమ్, కంబైన్డ్‌ కోల్‌ రీ హీట్‌ స్టీమ్‌‌‌‌ను పంపించే దశను విజయవంతంగా నిర్వహించడంతో ముందడుగు పడినట్టయ్యింది. సెప్టెంబర్‌ నెలాఖరు వరకు ఈ ప్రక్రియను పూర్తి చేసుకుని మరో విభాగాన్ని విజయవంతంగా పూర్తి చేసేందుకు మేనేజ్‌‌‌‌మెంట్‌ సిద్ధమవుతున్నది. గతంలో 800 మెగావాట్ల 2వ యూనిట్ బాయిలర్ నాన్‌‒డ్రైయినబుల్‌ పోర్టన్‌ హైడ్రో టెస్ట్‌‌‌‌తో పాటు యాష్‌ హ్యాండ్లింగ్‌ ట్రాన్స్‌‌‌‌ఫార్మర్లను ఛార్జ్చేయడంలో సక్సెస్ అయ్యారు. 1వ యూనిట్‌‌‌‌కు చెందిన ఈఎస్‌‌పీ, ఎఫ్‌‌‌‌జీడీల టెస్ట్‌‌‌‌లు కీలక దశలో ఉన్నాయి. కోల్‌ హ్యాండ్లింగ్‌ ప్లాంట్ (సీహెచ్‌‌‌‌పీ) కన్వేయర్‌ ఎరక్షన్‌ పనులు పూర్తికాగా, బెల్ట్‌ ట్రయల్స్‌ ఈ నెలాఖరులోగా జరగనున్నాయి. త్వరలోనే నిర్మాణ పనులు పూర్తి చేసుకుని తెలంగాణ ప్లాంట్లో విద్యుత్ ఉత్పత్తి దశలోకి తీసుకువస్తామని ఎన్టీపీసీ సీజీఎం సునీల్‌ కుమార్‌ తెలిపారు.
2018లో ప్రధాని శంకుస్థాపన
రామగుండంలో ఎన్టీపీసీ తెలంగాణ ప్లాంట్ స్టేజ్‌ 1 (1600 మెగావాట్లు) నిర్మాణానికి ప్రధాని నరేంద్ర మోడీ 2018 ఆగస్టు 7న శంకుస్థాపన చేశారు. రూ.10,600 కోట్ల వ్యయంతో బీహెచ్‌‌‌‌ఈఎల్‌ సంస్థ ఈ ప్లాంట్‌‌‌‌ను నిర్మిస్తున్నది. ఏటా ఎనిమిది మిలియన్‌ టన్నుల బొగ్గును సింగరేణి నుంచి, ఒడిశాలోని మందాకిని బ్లాక్‌ నుంచి, రెండు టీఎంసీల నీటిని ఎల్లంపల్లి ప్రాజెక్ట్‌ నుంచి తీసుకోనున్నారు. ఇందులో ఉత్పత్తి అయ్యే విద్యుత్‌‌‌‌లో 90 శాతానికి పైగా తెలంగాణ రాష్ట్రానికే కేటాయించనున్నారు.
