భద్రాద్రికొత్తగూడెం, వెలుగు : కొత్తగూడెంలో గత మూడు రోజులుగా కొనసాగుతున్న అండర్ 17 బాల, బాలికల రాష్ట్ర స్థాయి టేబుల్ టెన్నిస్ పోటీలు సోమవారం ముగిశాయి. టీం చాంపియన్ షిప్ విభాగంలో హైదరాబాద్ జట్లు విజయంసాధించాయి. రెండో స్థానంలో రంగారెడ్డి జట్లు నిలిచాయి. బాలికల విభాగంలో మూడో స్థానంలో ఖమ్మం టీం నిలిచింది. బాయ్స్ సింగిల్స్ విభాగంలో హైదరాబాద్కు చెందిన జతిన్ దేవ్ ఫస్ట్ ప్లేస్, తరుణ్ సెకండ్ ప్లేస్లో నిలిచినట్టుగా యువజన క్రీడల జిల్లా అధికారి పరంధామరెడ్డి, డీఈఓ వెంకటేశ్వరాచారి పేర్కొన్నారు.
విజేతలకు బహుమతులను అందజేశారు. బాలికల వ్యక్తిగత సింగిల్స్ విభాగంలో హైద్రాబాద్కు చెందిన శశిరత, శ్రేష్టారెడ్డి,చైత్రారెడ్డి వరుసగా ఫస్ట్, సెకండ్, థర్డ్ ప్లేస్లలో నిలిచారన్నారు. హైదరాబాద్కు చెందిన జతిన్ దేవ్, తరుణ్, దేవాన్ష్ సింగ్, రిషబ్సింగ్, అరుష్ రెడ్డిలతో పాటు స్టాండ్బైలుగా కార్తీక్ తేజ, పి.జ్వలిత , సుశ్రీత, శ్రేష్టారెడ్డి, చైత్రా రెడ్డిలతో పాటు స్టాండ్ బైలుగా అవని రెడ్డి, చందన జాతీయ పోటీలకు ఎంపికైనట్టు తెలిపారు .
