అమెరికా విమాన ప్రమాదం తీవ్ర విషాదాన్ని నింపుతోంది. బుధవారం రాత్రి విమానం - హెలికాప్టర్ ఢీకొన్న ప్రమాదంలో మృతుల సంఖ్య పెరుగుతోంది. తాజాగా 18 మంది డెడ్ బాడీలను నదిలోనుంచి వెలికి తీశారు అధికారులు. ప్రమాద సమయంలో విమానంలో 60 మంది ప్రయాణీకులు ఉన్నారు.
వాషింగ్టన్ రోనాల్డ్ రీగన్ ఎయిర్ పోర్టులో ల్యాండ్ అవుతున్న విమానం గాల్లో మిలిటరీ హెలికాప్టర్ ను ఢీకొట్టిన ప్రమాదంలో విమానం, హెలికాప్టర్ పక్కనే ఉన్న పోటోమాక్ నదిలో కూలిపోయాయి. ప్రమాదం జరిగిన వెంటనే అధికారులు గాలింపు చర్యలు చేపట్టారు. పొటోమాక్ నది నుండి అధికారులు దాదాపు 18 మృతదేహాలు వెలికి తీసినట్లు తెలిపారు. అమెరికా ఏవియేషన్ శాఖ నుంచి అధికారిక ప్రకటన రావాల్సి ఉంది.
Also Read : అమెరికాలో ఘోర ప్రమాదం.. విమానం, హెలికాప్టర్ ఢీ
బుధవారం (29 జనవరి) రాత్రి PSA ఎయిర్ లైన్స్ కు చెందిన 5342 విమానం విచిత కన్సాస్ (ICT) నుండి వాషింగ్టన్ రీగన్ జాతీయ ఎయిర్ పోర్ట్ ((DCA) కు వెళ్తుండగా ప్రమాదం జరిగింది. యూఎస్ ఆర్మీకి చెందిన బ్లాక్ హాక్ హెలికాప్టర్ ను విమానం ఢీకొనడంతో భారీ ప్రమాదం చోటు చేసుకుంది. ఈ ప్రమాదంలో మృతుల సంఖ్య మరింత పెరిగే అవకాశం ఉంది.
