న్యూఢిల్లీ: ఏసీలు, ఫ్రిజ్లు వంటి వైట్గూడ్స్ తయారీ పెంచడానికి తెచ్చిన ప్రొడక్షన్ లింక్డ్‌ ఇన్సెంటివ్(పీఎల్ఐ) స్కీమ్కు 18 కంపెనీలు ఎంపిక అయ్యాయి. వీటిలో వోల్టాస్, మిర్క్ఎలక్ట్రానిక్స్, ల్యూమాక్స్, యునో మిండా వంటి కంపెనీలు ఉన్నాయని కేంద్ర వాణిజ్య, పరిశ్రమల మంత్రిత్వ శాఖ ప్రకటించింది. ఇవి రూ.2,299 కోట్లు ఇన్వెస్ట్ చేస్తాయి. పీఎల్ఐ స్కీమ్ కోసం గత ఏడాది 38 కంపెనీలు దరఖాస్తులు ఇచ్చాయి. తాజాగా ఎంపికైన వాటిలో ఇది వరకే పీఎల్ఐకు అర్హత సాధించిన కొన్ని కంపెనీలు ఉన్నాయి.
ఇవి అదనంగా రూ.1,217 కోట్లు ఇన్వెస్ట్ చేస్తామని ప్రకటించాయి. ఏసీలు కంపెనీలు కంప్రెసర్స్, కాపర్ ట్యూబ్స్, హీట్ ఎక్స్చేంజర్స్ వంటి కాంపోనెంట్లను తయారు చేస్తాయి. ఎల్ఈడీ లైట్లు, ఎల్ఈడీ చిప్ ప్యాకేజింగ్, డ్రైవర్స్, ఇంజన్స్ ఉత్పత్తిని కూడా పెంచుతాయి. ఇప్పటి వరకు 84 వైట్గూడ్స్ కంపెనీలు పీఎల్ఐ పథకానికి ఎంపికయ్యాయి. ఇవి రూ.10,478 కోట్లు ఇన్వెస్ట్ చేయడం వల్ల రూ.1.72 లక్షల కోట్ల విలువైన ఉత్పత్తి జరుగుతుంది.
