మధ్యప్రదేశ్ లో రెండు రైళ్లు ఢీకొని ముగ్గురు వ్యక్తులు మృతి చెందారు. రాష్ట్రంలోని సిలిగురి జిల్లా బైధన్ పోలీస్ స్టేషన్ పరిధిలో సోమవారం తెల్లవారుజామున ఐదు గంటలకి ఈ ఘటన జరిగింది. ఎన్టీపీసి(నేషనల్ థర్మల్ పవర్ కార్పొరేషన్) కి చెందిన ఈ రెండు రైళ్లు , ఉత్తర ప్రదేశ్ లోని రిషద్ నగర్, మధ్య ప్రదేశ్ లోని అమ్లోరీ మధ్య నడుస్తాయని, బొగ్గు తరలించే సమయంలో ఈ ప్రమాదం జరిగిందని అధికారులు తెలిపారు.
ఇందులో ఒక రైలు ఖాళీగా వస్తుండగా.. మరొకటి లోడ్ తో వెళ్తోందని అధికారులు చెప్పారు. ఖాళీగా వస్తున్న రైలుకు చెందిన ఇంజన్, పదమూడు బోగీలు పట్టాలు తప్పాయని, కొన్ని పూర్తిగా బోల్తా పడ్డాయని వెల్లడించారు. ఈ ప్రమాదంలో ఇద్దరు రైలు లోకో పైలట్ల (రైలు నడిపేవారు) తో పాటు మరో వ్యక్తి మరణించారు.
