బషీర్ బాగ్/షాద్ నగర్, వెలుగు: ఎన్నికల మేనిఫెస్టోలో పెట్టిన ప్రకారం జాబ్క్యాలెండర్ అమలు చేయాలని ఏబీవీపీ నాయకులు డిమాండ్చేశారు. రెండు లక్షల ఉద్యోగాలను వెంటనే భర్తీ చేయాలని కోరారు. నిరుద్యోగుల సమస్యలపై కాంగ్రెస్ ప్రభుత్వం నిర్లక్ష్య ధోరణి అవలంబిస్తోందని మండిపడ్డారు. ఈ మేరకు మంగళవారం నాంపల్లిలోని టీజీపీఎస్సీ(తెలంగాణ పబ్లిక్ సర్వీస్ కమిషన్) ఆఫీస్ముట్టడికి యత్నించారు. పోలీసులు వారిని అడ్డుకోవడంతో రోడ్డుపై బైఠాయించి ఆందోళనకు దిగారు. ఏబీవీపీ రాష్ట్ర కార్యదర్శి ఝాన్సీ మాట్లాడుతూ.. బీఆర్ఎస్మోసం చేసిందని నిరుద్యోగులంతా కలిసి కాంగ్రెస్ ను గెలిపించారని చెప్పారు.
అధికారంలోకి వచ్చి 7 నెలలు గడుస్తున్నా ఇంతవరకు నిరుద్యోగులను పట్టించుకోలేదని ఆగ్రహం వ్యక్తం చేశారు. మేనిఫెస్టోలో పెట్టిన ప్రకారం 2 లక్షల ఉద్యోగాలను వెంటనే భర్తీ చేయాలని, 25 వేల పోస్టులతో మెగా డీఎస్సీ వేయాలని డిమాండ్చేశారు. గ్రూప్–2 పోస్టులను పెంచి మరోసారి నోటిఫికేషన్ ఇవ్వాలని కోరారు. ఈ క్రమంలో కొందరు ఏబీవీపీ నాయకులు ఆఫీసులోకి వెళ్లేందుకు యత్నించగా పోలీసులు అడ్డుకున్నారు. ఈ క్రమంలో తోపులాట జరిగింది. పోలీసులు వారిని బలవంతంగా అరెస్ట్చేసి స్టేషన్కు తరలించారు. ముట్టడిలో ఏబీవీపీ నాయకులు జీవన్, మహేశ్, రాజు, పృథ్వి, శ్రీనాథ్, కల్యాణి, గణేశ్, ధృహన్, మనీషా, ప్రతీక్ తదితరులు పాల్గొన్నారు.
షాద్నగర్ లో..
కాంగ్రెస్ప్రభుత్వం బీఆర్ఎస్ను ఫాలో అవుతోందని, నిరుద్యోగులను మోసం చేస్తోందని బీజేపీ రాష్ట్ర కార్యవర్గ సభ్యుడు నెల్లి శ్రీవర్ధన్రెడ్డి విమర్శించారు. మంగళవారం షాద్ నగర్ లో బీజేవైఎం రాష్ట్ర కార్యదర్శి ప్యాట అశోక్ ఆధ్వర్యంలో నిరుద్యోగులకు న్యాయం చేయాలంటూ నిరసన చేపట్టారు. తహసీల్దార్ ఆఫీసులో వినతి పత్రం ఇచ్చారు. ఈ సందర్బంగా వారు మాట్లాడుతూ.. కాంగ్రెస్ప్రభుత్వం ఖాళీలు భర్తీ చేయకుండా పదవీకాలాన్ని గడిపేస్తుందని విమర్శించారు. గ్రూప్–2, 3, డీఎస్సీ పోస్టులు పెంచాలని డిమాండ్చేశారు.
