- జీఎంలకు సింగరేణి సీఎండీ బలరాం నాయక్ ఆదేశం
కోల్బెల్ట్, వెలుగు: ఈ ఆర్థిక సంవత్సరంలో నిర్దేశించుకున్న 72 మిలియన్ టన్నుల బొగ్గు ఉత్పత్తి టార్గెట్ను చేరుకోవడానికి ప్రతి రోజు 2 లక్షల టన్నుల బొగ్గు ఉత్పత్తి, అదే స్థాయిలో కోల్ట్రాన్స్ఫోర్ట్ చేయాలని సింగరేణి సీఎండీ ఎన్.బలరాంనాయక్ పేర్కొన్నారు. మంగళవారం హైదరాబాద్ సింగరేణి భవన్ నుంచి సంస్థ డైరెక్టర్లు, ఏరియా జీఎంలతో ఉత్పత్తి, కొత్త ప్రాజెక్టులు, అడ్రియాల లాంగ్ వాల్ ప్రాజెక్టు, ఇతర విషయాలపై వీడియో కాన్ఫరెన్స్ ద్వారా రివ్యూ నిర్వహించారు. ఈ సందర్భంగా ఆయన మాట్లాడుతూ.. వర్షాకాలంలో బొగ్గు ఉత్పత్తి, మట్టి వెలికితీతపై ప్రభావం పడకుండా ముందస్తు చర్యలు తీసుకోవాలని సూచించారు.
రోజుకు 2 లక్షల బొగ్గు ఉత్పత్తికి 13 లక్షల క్యూబిక్ మీటర్ల ఓవర్బర్డెన్(మట్టి) వెలికితీయాల్సి ఉందన్నారు. వర్షాకాలంలో ఉత్పత్తికి ఆటంకాలు ఎదురుకాకుండా హాల్రోడ్లను పటిష్ట పర్చుకోవాలని, క్వారీల్లో నిలిచిన వరద నీటిని ఎప్పటికప్పుడు పంపింగ్ చేయాలన్నారు. ఏదైనా షిప్ట్లో ఉత్పత్తి తగ్గితే తరువాతి షిప్టులో భర్తీ చేసుకునేలా చర్యలు తీసుకోవాన్నారు. టార్గెట్ పూర్తి చేసేందుకు అన్ని ఏరియాలకు అవసరమైన యంత్రాలను, ఓవర్ బర్డెన్ తొలగించడానికి ఏజెన్సీల నియామకం పూర్తి చేశామన్నారు. రానున్న ఐదేండ్లలో 100 మిలియన్ టన్నుల టార్గెట్ చేరుకునేందుకు ప్రణాళికలు రెడీ చేసుకుందని, మరో ఐదేండ్లలో 10 కొత్త బొగ్గు గనులను ప్రారంభించాల్సి ఉందన్నారు.
మరో 3 నెలల్లో ఒడిశాలోని సింగరేణి ఆధ్వర్యంలో చేపట్టిన నైనీ బొగ్గు బ్లాక్ నుంచి ఉత్పత్తి ప్రారంభిస్తామని ధీమా వ్యక్తంచేశారు. గనులకు సంబంధించిన పర్మిషన్లు, ఏర్పాట్లను పూర్తి చేయాలని ఆదేశించారు. సింగరేణి డైరెక్టర్లు డి.సత్యనారాయణరావు(ఈఎం), ఎన్వీకే శ్రీనివాస్(ఆపరేషన్స్, పర్సనల్), జి.వెంకటశ్వర్రెడ్డి(ప్లానింగ్అండ్ప్రాజెక్ట్స్), జీఎంలు జి.దేవేందర్, రవికుమార్పాల్గొన్నారు.
