జైపూర్(భీమారం), వెలుగు: మంచిర్యాల నుంచి మహారాష్ట్రకు అక్రమంగా తరలిస్తున్న రూ.2 లక్షల విలువైన మద్యం కాటన్లను భీమారం వద్ద రామగుండం టాస్క్ ఫోర్స్ పోలీసులు పట్టుకున్నారు. ఎస్ఐ రాములు తెలిపిన వివరాల ప్రకారం.. మంచిర్యాల నుంచి మహారాష్ట్రకు మద్యాన్ని అక్రమంగా రవాణా చేస్తున్నారనే పక్కా సమాచారం మేరకు టాస్క్ఫోర్స్ ఇన్స్పెక్టర్ సిబ్బందితో కలిసి భీమారం పోలీస్స్టేషన్ పరిధిలో తనిఖీలు చేపట్టారు. టాటా ఏస్ వాహనంలో అక్రమంగా తరలిస్తున్న మద్యం కాటన్లను సీజ్ చేశారు. మద్యం విలువ రూ.2 లక్షల వరకు ఉంటుందని తెలిపారు. నిందితులు మహ్మద్ షరీఫ్, తిప్పా రమణయ్యపై కేసు నమోదు చేసినట్లు చెప్పారు.
కడెం మండలంలో..
కడెం: కడెం మండలంలోని నర్సాపూర్ గ్రామంలో బెల్ట్షాప్ నిర్వహిస్తున్న రాజన్న దుకాణంలో ఎస్ఐ కృష్ణ సాగర్ రెడ్డి తనిఖీలు చేపట్టి 13.5 లీటర్ల మద్యం స్వాధీనం చేసుకున్నారు. ఆ మద్యం విలువ సుమారు రూ.11 వేలు ఉంటుందని తెలిపారు. నిర్వాహుడిపై కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
