జమ్మూకశ్మీర్లో మందుపాతర పేలి ఇద్దరు సైనికులు అమరులవ్వగా.. మరో ముగ్గురు గాయపడ్డారు. శనివారం సాయంత్రం నౌషెరా సెక్టార్లో నియంత్రణ రేఖకు దగ్గరగా పేలుడు జరిగింది. ఈ పేలుడులో లెఫ్టినెంట్ రిషి కుమార్, సిపాయ్ మంజీత్ సింగ్లు అమరులయ్యారని ఆర్మీకి చెందిన వైట్ నైట్ కార్ప్స్ ప్రకటించింది. అక్కడే డ్యూటీలో ఉన్న మరో ముగ్గురు సైనికులు గాయపడగా... వారిని ఆర్మీ హాస్పిటల్కు తరలించి ట్రీట్మెంట్ అందిస్తున్నారు. వారిలో ఇద్దరి పరిస్థితి విషమంగా ఉన్నట్లు తెలుస్తోంది.
