పశ్చిమ బెంగాల్ బీజేపీ ప్రత్యేకంగా దృష్టి పెట్టింది. ఉత్తర ప్రదేశ్, మహారాష్ట్ర తర్వాత ఎక్కువ లోక్ సభ సీట్లు (42) ఉన్న రాష్ట్రం వెస్ట్ బెంగాలే. 2014 లోక్ సభ ఎన్నికల్లో బీజేపీ కేవలం రెండు (డార్జిలింగ్, అసన్ సోల్‌)సీట్లతోనే సరిపెట్టుకుంది. ఈ సంఖ్యను పదింతలు పెంచుకుని కనీసం 20 సీట్లు గెలు చుకోవాలన్నది బీజేపీ ప్లా న్. దీని కోసం పార్టీ ప్రెసిడెంట్ అమిత్ షా డైరెక్షన్ లో ‘మిషన్–20’ని రూపొందించింది.
లుక్‌ ఈస్ట్‌’ ప్లాన్ కింద బీజేపీ ఇప్పటికే మిజోరాం, సిక్కింలో మినహా మిగతా అన్ని రాష్ట్రాల్లోనూ బలంగా కాలు మోపింది. ఇదే ఇన్‌స్పిరేషన్ పశ్చిమ బెంగాల్ లో ‘మిషన్–20’ ప్లా న్ని సక్సెస్ చేయడానికి బీజేపీ లీడర్లు పట్టుదలతో పనిచేస్తున్నారు. దీనికోసం అనుసరించాల్సిన వ్యూహాలపై లోకల్ లీడర్లకు కూడా పార్టీ హైకమాండ్ స్పష్టమైన ఆదేశాలిచ్చింది. దీంతో ఈ 20 నియోజకవర్గాల్లో గెలుపుకోసం స్థానిక నేతలు సర్వశక్తులు మోహరిస్తున్నారు . బీజేపీ టార్గెట్ గా పెట్టుకున్న 20 నియోజకవర్గాల్లో ఆరు సెగ్మెంట్లు ఎస్సీ, ఎస్టీ లకు రిజర్వు చేసినవి ఉన్నాయి. ఇందులో కూచ్ బెహార్ ( ఎస్సీ), జల్ పాయ్ గురి (ఎస్సీ), అలీపుర్ దౌర్ (ఎస్టీ)తో పాటు మరో మూడు సీట్లు ఉన్నాయి. ఎస్సీ, ఎస్టీలకు రిజర్వ్ అయిన నియోజకవర్గాలను గెలుచుకోవడానికి పార్టీ సీనియర్ నేత ముకుల్ రాయ్ నాయకత్వంలో పక్కా ప్లాన్ రెడీ చేసింది.
ఆరు సెగ్మెంట్లలో మతువాలు కీలకం పశ్చిమ బెంగాల్ లోని షెడ్యూల్డ్ కులాల్లో మతువా కమ్యూనిటీ కీలకమైనది. రాష్ట్రం లోని ఆరు లోక్‌సభ సెగ్మెంట్లలో గెలుపోటములను నిర్ణయించే స్థాయిలో ఈ కమ్యూనిటీ ఉంది. మతువా కమ్యూనిటీ చాలాకాలం వరకు తృణమూల్ కాంగ్రెస్ కి అండగా నిలబడింది. తాజాగా ఒక వర్గం బీజేపీ వైపు వెళ్లిపోయింది. దీంతో మమతా బెనర్జీ ఓటు బ్యాంక్‌కి చెక్ పడ్డట్లయింది. దీంతోపాటు టీ ఎస్టేట్లలో పనిచేసే కార్మికులపై కూడా కాషాయ పార్టీ దృష్టి పెట్టింది. జల్ పాయ్ గురి, అలీపుర్ దౌర్, కూచ్ బెహార్ లోక్‌సభ సెగ్మెంట్లలో తేయాకు కార్మికులు పెద్ద సంఖ్యలో ఉన్నారు . టీ ఎస్టేట్లలో పనిచేసేవాళ్లలో మెజారిటీ వర్గం ఆదివాసీలు, దళితులు. కొన్ని దశాబ్దాల పాటు రాష్ట్రా న్ని పాలించిన లెఫ్ట్ ఫ్రంట్ కానీ, ప్రస్తుతం అధికారంలో ఉన్న తృణమూల్ కాంగ్రెస్ కానీ తేయాకు కార్మి కుల సమస్యలను పూర్తిగా తీర్చలేకపోయాయి. ఈ నేపథ్యంలో తాము ఉద్యమాలు చేశామని కాషాయ దండు క్లెయిమ్‌ చేసుకుంటోంది. టీ ఎస్టేట్ కార్మి కులంతా తమ వైపే ఉంటారని బీజేపీ లీడర్లు లెక్కలు వేసుకున్నారు.
సౌత్ బెంగాల్లో ఆరెస్సెస్ బడులు సౌత్ బెంగాల్లో ఆరెస్సెస్ కి మొదటినుంచి కాస్తంత పట్టుంది. ఇక్కడ ఆరెస్సెస్ ఆధ్వర్యంలో అనేక స్కూల్స్ నడుస్తున్నాయి. ఇప్పుడు తొలిసారి ఓటుహక్కు పొందిన చాలామంది ఓటర్లు ఆరెస్ సెస్ బడుల్లో చదువుకున్నవారే. ఇలాంటి యంగ్ ఓటర్ల మీద కాషాయ పార్టీ బోలెడు ఆశలు పెట్టుకుంది. పశ్చిమ బెంగాల్లో ప్రధాన ప్రతిపక్షంగా కాంగ్రెస్ ఉన్నా, అది నామ్ కే వాస్తేనే. రూట్ లెవెల్లో మమత సర్కార్ పై పోరాటం చేస్తోంది బీజేపీనే. బెంగాల్లో ఏ పార్టీ అధికారంలోకి రావాలన్నా జనాభాలో 70 శాతం ఉన్న హిందువుల ఓట్లే కీలకం. దీంతో వారి ఓట్లను కొల్లగొట్టడానికి పక్కా వ్యూహంతో బీజేపీ ముందుకెళుతోంది. దుర్గా మాత నిమజ్జన కార్యక్రమం గతంలో ఎన్నడూ లేనంతగా ఈ రెండు మూడేళ్లలో రాజకీయ రంగు పులుముకుంది. దుర్గా మాత నిమజ్జన కార్యక్రమంపై మమత సర్కార్ ఆంక్షలు పెట్టడాన్ని రాజకీయంగా ఇప్పటికే చర్చకు తీసుకువచ్చింది. మొహర్రం ఊరేగింపుతో క్లా ష్‌ కాకుండా మమత దుర్గా దేవి విగ్రహ నిమజ్జనం డేట్లను సర్దుబాటు చేయబోయింది. అయితే, కోర్టుద్వారా నిమజ్జనానికి అనుకూలంగా ఆర్డర్స్‌ పొందగలిగారు. ఇటువంటి చర్యలతో ఇప్పటికే బీజేపీ బెంగాల్ లో సామాజికంగా పలుకుబడి సాధించగలిగింది.
ప్రతి అంశంలోనూ ఎన్డీయే సర్కార్ మమతా బెనర్జీ సై అంటే సై అంటున్నారు . ఎన్నార్సీ ఇష్యూలోనూ కేంద్రంపై మమత చేసిన పోరాటం మరే ఇతర పార్టీ చేయలేదు. దేశంలో రక్తపాతం సృష్టించడానికి బీజేపీ కంకణం కట్టుకుందని
ఘాటు విమర్శలు చేశారు. పెద్ద నోట్ల రద్దు, జీఎస్టీ, పెట్రో ధరల పెంపు ఇలా ప్రజలకు సంబంధించిన ప్రతి ఇష్యూపైన కేంద్రాన్ని మమత ఇరుకున పెట్టారు . మోడీ సర్కార్ అవలంబిస్తున్న విధానాలకు వ్యతిరేకంగా ఈ ఏడాది
జనవరి 19 న కోల్ కతాలో పెద్ద బహిరంగ సభ నిర్వహించారు. దీంతో మమత దూకుడుకు బ్రేక్ వేయాలని బీజేపీ డిసైడ్ అయింది. శారద చిట్‌ఫండ్‌ స్కాం విషయంలో దర్యాప్తు సంస్థల వేగం పెరిగింది. ఈ స్కాంతో సంబంధమున్న
టీఎంసీ లీడర్లను అరెస్టు చేశాయి. శారద కుంభకోణంతో మమత ఇమేజ్ కొంతవరకు డ్యామేజ్ అయింది.
పశ్చిమ బెంగాల్ లో ముస్లిం ఓటర్ల ప్రభావం ఎక్కువ. రాష్ట్రవ్యా ప్తంగా దాదాపు సగం నియోజకవర్గాల్లో గెలుపోటములను నిర్ణయించే స్థాయిలో ఉన్నారు. బంగ్లాదేశ్ నుంచి వలస వచ్చిన ముస్లింలు మొదట్లో కాంగ్రెస్ వైపున్నారు . తర్వా త సీపీఎంకి దగ్గరయ్యారు. అయితే రాష్ట్రం లో ఆ రెండు పార్టీలు బలహీనపడటంతో వాళ్లు మెల్లమెల్లగా టీఎంసీ వైపు జరిగారు. ప్రస్తుతం తృణమూల్ కాంగ్రెస్ కి మేజర్ ఓటుబ్యాంక్ బంగ్లాదేశ్ నుంచి వచ్చిన ముస్లింలే. వీరు బెంగాల్ జనజీవనంలో కలిసిపోయారు. కానీ, వీరిని తరిమేయడానికే మోడీ సర్కారు ఎన్నార్సీని తీసుకువచ్చిందని టీఎంసీ చీఫ్ మమతా బెనర్జీ ఆరోపిస్తున్నారు. వీరంతా తమ రాష్ట్రానికి చెందిన ముస్లింలేనని ఆమె క్లెయిమ్‌ చేస్తున్నారు. విదేశీయులుగా చిత్రీకరించే ప్రయత్నాన్ని సహించేది లేదని తెగేసి చెప్పారు. ఎన్నార్సీ విషయంలో పార్లమెంటు లోపల, బయట కూడా కేంద్రంపై మమతా బెనర్జీ మడమ తిప్పకుండా పోరాటం చేశారు.
బెంగాల్ రాజకీయాలు ప్రస్తుతం టీఎంసీ వర్సెస్ బీజేపీగా మారాయి. లెఫ్ట్ పార్టీలు, కాంగ్రెస్ పార్టీ అడ్రస్ క్రమేపీ గల్లంతవుతోంది. మారిన రాజకీయ పరిస్థితుల్లో ముందుగా ప్రధాన ప్రతిపక్షంగా ఎదిగి, 2021 నాటికి అధికారంలోకి రావాలన్నది బీజేపీ నేతల వ్యూహం. పశ్చిమ బెంగాల్ లో ఇప్పటికైతే తృణమూల్ కాంగ్రెస్ కి ఎదురులేదు. అయితే ఈ ఐదేళ్లలో జరిగిన కొన్ని బై ఎలెక్షన్లలో బీజేపీ రెండో స్థానానికి చేరుకుంది. ప్రధాన ప్రత్యర్థిగా బీజేపీ అవతరించడం మమతకు మింగుడు పడటం లేదు. కాంగ్రెస్, సీపీఎంలతో పోలిస్తే బీజేపీని ఎదుర్కోవడం కష్టమన్న విషయం దీదీకి బాగా అర్థమైంది. కాషాయ పార్టీ బలం పుంజుకుంటే ఓట్ల పోలరైజేషన్ జరుగుతుందని, లాంగ్ రన్‌లో తృణమూల్ కాంగ్రెస్ ప్రయోజనాలు దెబ్బతింటాయని మమతా బెనర్జీ ఆందోళన పడుతున్నట్లు కోల్ కతా పొలి టికల్ సర్కిల్స్ సమాచారం. దీంతో మమత జెండర్‌ ఇష్యూని బయటకు తెచ్చారు . పొరుగున ఉన్న ఒడిశా సీఎం నవీన్‌ పట్నాయక్ తీసుకున్న నిర్ణయంకంటే మరింత మెరుగైన నిర్ణయం తీసుకున్నారు. లోక్‌సభ ఎన్నికల్లో తృణమూల్ కాంగ్రెస్ 41 శాతం సీట్లు మహిళలకు కేటాయిస్తుందని మమతా బెనర్జీ ప్రకటించారు. అనుకున్నదే తడవుగా కళా, సాంస్కృతిక, రాజకీయ రంగాలకు చెందినవారితో లిస్ట్‌ రిలీజ్‌ చేశారు. వీరిలో సిట్టింగ్‌ ఎంపీ మూన్‌మూన్‌ సేన్‌కూడా ఉన్నారు . గతంలో బంకురా స్థానం నుంచి గెలిచిన మూన్‌మూన్‌ సేన్‌ని ఈసారి అసనోల్‌ నియోజక వర్గంలో కేంద్ర మంత్రి బాబుల్‌ సుప్రియోకు పోటీగా దింపబోతున్నారు . ఇటీవలే కాంగ్రెస్ నుంచి టీఎంసీకి మారిన మాల్డా ఎంపీ మౌసమ్‌ నూర్ ని అదే స్థానం నుంచి పోటీకి రెడీ చేశారు. దారుణ హత్యకు గురైన టీఎంసీ ఎమ్మెల్యే సత్యజిత్‌ బిస్వాస్ భార్య రూపాలీ బిస్వాస్ ని కూడా
లోక్‌సభకు పంపే ప్రయత్నంలో ఉన్నారు.
ఒడిశాలో తమ బిజూ జనతాదళ్‌ (బీజేడీ) నుంచి 33 శాతం టికెట్లను మహిళలకు కేటాయిస్తామని ఆ పార్టీ చీఫ్, ఒడిశా సీఎం నవీన్‌ పట్నాయక్ ప్రకటించిన తర్వాత మమత నిర్ణయం చాలా ప్రాధాన్యత సంతరించుకుంది. ఇంతకుముందు
16వ లోక్‌సభలోకూడా మమతా బెనర్జీ తమ పార్టీ తరఫున మహిళలకు అధికంగానే సీట్లిచ్చారు. పశ్చిమ బెంగాల్ లోని 42 లోక్‌సభ స్థానాల్లో 14 మంది మహిళలుండగా, వారిలో 12 మంది టీఎంసీకి చెందినవారే. 2014 ఎన్నికల్లో బెంగాల్ లో మహిళా ఓటర్లు 80 శాతం వరకు పాల్గొనడాన్ని బట్టి అక్కడ రాజకీయ చైతన్యాన్ని అర్థం చేసుకోవచ్చు. పోయినసారి లోక్‌సభలో అడుగుపెట్టిన ఎంపీల్లో నటీమణులు మూన్‌మూన్‌సేన్, సంధ్యారాయ్‌, అర్పి త ఘోష్‌ వంటి ప్రముఖులున్నారు. అలాగే, రద్దయిన లోక్‌సభలో బీజేపీ తరఫున 31 మంది మహిళా ఎంపీలుండగా, ఆ తర్వాత స్థానంలో తృణమూల్ 12 మందితో ఉంది. ఇదే ఉత్సాహంతో మమతా బెనర్జీ మహిళాస్త్రాన్ని బీజేపీ పైకి ప్రయోగించారు. మొత్తం 42 లోక్‌సభా స్థానాలకుగాను సిట్టింగ్‌ ఎంపీలు 10 మందికి బదులుగా కొత్తవారికి మమత అవకాశామిస్తున్నారు. ఇరుగుపొరుగున ఉన్న ఒడిశా, అసోం, జార్ఖండ్‌, బీహార్‌ రాష్ట్రా లతోపాటు అండమాన్‌ నికోబార్‌ దీవుల్లోనూ టీఎంసీ అభ్యర్థులను దింపనున్నట్లు ప్రకటించారు.,
చట్ల సభల్లో మహిళలకు మూడోవంతు కోటా ఇవ్వాలని ప్రతి రాజకీయ పార్టీ మాట్లాడుతుంది. కానీ, ఈ బిల్లు విషయానికొచ్చేసరికి చాలా కొర్రీలు వేస్తుంటాయి. నేను అన్ని పొలిటికల్‌ పార్టీలకు సవాల్ విసురుతున్నాను. మా పార్టీ తరఫున ఈసారి మహిళలను అధిక సంఖ్యలో పోటీకి దింపుతున్నాం . ఈ నిర్ణయం మాకెంతో గర్వకారణం. – మమతా బెనర్జీ, తృణమూల్ చీఫ్
