గత 84 సంవత్సరాల్లో అత్యధిక ఉష్ణోగ్రత నమోదైన రోజుగా 2024, జులై 22 రికార్డు సృష్టించింది. ఈ రోజున ప్రపంచ సగటు ఉష్ణోగ్రత 17.15 డిగ్రీలుగా నమోదైనట్లు యూరోపియన్ యూనియన్కు చెందిన కోపర్నికస్ క్లైమేట్ చేంజ్ సర్వీస్ (సీ3ఎస్) తెలిపింది. జులై 21న 17.09 డిగ్రీల ప్రపంచ సగటు ఉష్ణోగ్రత నమోదయింది. ఆ తర్వాత రోజే అంతకుమించి ఉష్ణోగ్రత నమోదైంది.
1940 తర్వాత అత్యధిక ఉష్ణోగ్రత నమోదైన రోజు ఈ ఏడాది జులై 22 అని సీ3ఎస్ తెలిపింది. గత ఏడాది జులై 6న అత్యధికంగా 17.08 డిగ్రీల ప్రపంచ సగటు ఉష్ణోగ్రత నమోదైంది. గత ఏడాది జూన్ నెల నుంచి వరుసగా 13 నెలలుగా ప్రతి నెలా ఉష్ణోగ్రతలు రికార్డులు సృష్టిస్తున్నాయని సీ3ఎస్ పేర్కొంది.
