- 120 కిలోల సింథటిక్ డ్రగ్స్ స్వాధీనం చేసుకున్న యాదాద్రి పోలీసులు
- ఏడుగురి అరెస్ట్.. పరారీలో మరో ఐదుగురు
యాదాద్రి, వెలుగు: భారీ ఎత్తున డ్రగ్స్ తయారు చేస్తున్న ముఠాను యాదాద్రి పోలీసులు పట్టుకున్నారు. రూ.24 కోట్ల విలువైన 120 కిలోల ఎఫెడ్రిన్, మెఫెడ్రోన్ సింథటిక్ డ్రగ్స్ను స్వాధీనం చేసుకున్నారు. ఏడుగురిని అరెస్ట్ చేయగా, మరో ఐదుగురు పరారీలో ఉన్నారు. యాదాద్రి జిల్లా చిన్నకందుకూరుకు చెందిన నేతి కృష్ణారెడ్డి బోడుప్పల్లో ఉంటూ రియల్ఎస్టేట్వ్యాపారంతో పాటు చిన్న కాంట్రాక్టులు చేస్తుంటాడు. అతనికి జీడిమెట్లకు చెందిన ఇస్మాయిల్తో పరిచయమైంది.
తనకు నిషేధిత మత్తుపదార్థాలైన ఎఫెడ్రిస్, మెఫెడ్రోన్కావాలని ఇస్మాయిల్కోరాడు. దీని కోసం యాదగిరిగుట్ట మండలం రామాజీపేటలోని శ్రీయాదాద్రి ఫార్మాస్యూటికల్ కంపెనీకి చెందిన వాసుదేవాచారి, భాను ప్రసాద్తో కృష్ణారెడ్డి మాట్లాడాడు. ఇస్మాయిల్ కోరిన మత్తు పదార్థాలు కావాలని, మంచి కమీషన్వస్తుందని చెప్పడంతో వాళ్లు అంగీకరించారు. దీనికి ఓ కెమికల్ కంపెనీలో పదేండ్లుగా పని చేస్తున్న సత్యనారాయణను సంప్రదించడంతో అతడు కూడా మత్తు పదార్థాల తయారీకి ఒప్పుకున్నాడు. అనంతరం అవసరమైన వస్తువులు తెప్పించుకొని శ్రీయాదాద్రి ఫార్మాస్యూటికల్కంపెనీలో తయారీ ప్రారంభించారు.
వీరు తయారు చేసిన డ్రగ్స్ ముంబైకి చెందిన సల్మాన్ షేక్డోలా వద్ద పని చేసే ఫైజాన్అహ్మద్కలెక్ట్ చేసుకునేవాడు. ఈ విధంగా పలుమార్లు డ్రగ్స్తీసుకెళ్లాడు. ఈ నెల 25న ముంబై నుంచి వచ్చిన ఫైజాన్అహ్మద్100 కిలోల ఎఫెడ్రిన్, మెఫెడ్రోన్ కారులో తీసుకెళ్తుండగా, మరోకారును ఎస్కార్టుగా పంపించారు. దీనిపై సమాచారం అందుకున్న యాంటీ నార్కోటిక్ బ్యూరో, బీబీనగర్పోలీసులు కార్లను ఆపి డ్రగ్స్ స్వాధీనం చేసుకున్నారు.
ఫైజాన్, కృష్ణారెడ్డి, కారు డ్రైవర్ సునీల్ను అరెస్ట్చేశారు. శ్రీయాదాద్రి ఫార్మాస్యూటికల్కంపెనీలో సోమవారం సాయంత్రం నుంచి మంగళవారం సాయంత్రం వరకు తనిఖీలు నిర్వహించి మరో 15 కిలోల డ్రగ్స్ పట్టుకున్నారు. టెక్నీషియన్సంతోష్, భాస్కర్, ప్రశాంత్ను అరెస్ట్ చేశారు. ఇస్మాయిల్ఇంట్లో 5 కిలోల డ్రగ్స్ స్వాధీనం చేసుకుని, అతన్ని కూడా అరెస్ట్ చేశారు. కంపెనీ ఓనర్ వాసుదేవాచారి, భానుప్రసాద్, సాల్మాన్సలీమ్ షేక్ డోలా, సల్మాన్, సత్యానారాయణ పరారీలో ఉన్నారని డీసీపీ రాజేశ్చంద్ర తెలిపారు.
