బోధన్, వెలుగు : బోధన్ పట్టణంలోని లయన్స్కంటి ఆస్పత్రి అభివృద్ధి కోసం మాజీ ఎమ్మెల్యే కందూల వెంకటేశ్వరరెడ్డి మనుమడు కందూల ప్రభురెడ్డి-అనుపమ దంపతులు గురువారం లయన్స్ బసవేశ్వరరావుకు రూ.25లక్షల చెక్కును అందజేశారు. ఈ సందర్భంగా ఆయన మాట్లాడుతూ లయన్స్కంటి ఆస్పత్రి కోసం కందూల వెంకటేశ్వరరావు కుటుంబం నుంచి ఇప్పటివరకు రూ.68లక్షలు విరాళంగా వచ్చాయన్నారు.
ప్రస్తుతం ఇచ్చిన రూ.25 లక్షలను షుగర్ పేషంట్ల కోసం ప్రత్యేక యూనిట్ ఏర్పాటు చేసి చికిత్స అందించేందుకు వినియోగిస్తామన్నారు. ఈ సందర్భంగా ప్రభురెడ్డి అనుపమ దంపతులను లయన్స్ క్లబ్సభ్యులు అభినందించారు. కార్యక్రమంలో లయన్స్ప్రతినిధులు కొడాలి కిషోర్, నాగేశ్వరావు పాల్గొన్నారు.
