జనగామ అర్బన్, వెలుగు: స్థానిక సంస్థల ఎన్నికల నిర్వహణ ఏర్పాట్లలో భాగంగా రూపొందించిన ముసాయిదా పోలింగ్స్టేషన్ల జాబితాపై ఏవైనా అభ్యంతరాలు ఉంటే ఈ నెల 12వ తేదీలోగా తెలపాలని కలెక్టర్, జిల్లా ఎలక్షన్ ఆఫీసర్ రిజ్వాన్బాషా షేక్ రాజకీయ పార్టీలకు సూచించారు. మంగళవారం కలెక్టరేట్లో అడిషనల్ కలెక్టర్ పింకేశ్కుమార్ తో కలిసి గుర్తింపు పొందిన రాజకీయ పార్టీల ప్రతినిధులతో సమావేశమయ్యారు.
ఈ సందర్భంగా కలెక్టర్మాట్లాడుతూ రాష్ట్ర ఎన్నికల సంఘం ఆదేశాల మేరకు జిల్లాలో మొత్తం 283 గ్రామ పంచాయతీలు, 2576 వార్డులు ఉండగా, 2576 పోలింగ్ కేంద్రాలను గుర్తిస్తూ ముసాయిదా జాబితాను రూపొందించామన్నారు. ఈ జాబితాపై 12వ తేదీలోగా అభ్యంతరాలు తెలుపవచ్చని చెప్పారు. తుది ఓటరు జాబితాను 2024 డిసెంబర్30న ప్రచురించనున్నట్లు రాజకీయ పార్టీల ప్రతినిధులకు ఆయన తెలిపారు. అంతకుముందు జిల్లాలోని బీసీ, ఎస్సీ, ఎస్టీ రెసిడెన్షియల్స్కూళ్లకు సంబంధించిన అధికారులు, డీఎంహెచ్వో, డీడబ్ల్యూవో, మున్సిపల్తదితర శాఖల అధికారులతో సమీక్ష నిర్వహించారు.
జిల్లాలో మొత్తం 66 రెసిడెన్షియల్స్కూళ్లలో 12,940 మంది విద్యార్దులు చదువుతున్నారని, హెల్త్క్యాంపులు ఏర్పాటు చేసి, ఎప్పటికప్పుడు విద్యార్థులకు ఆరోగ్య పరీక్షలు నిర్వహించాలన్నారు. వసతి గృహాల్లో పారిశుద్ధ్య నిర్వహణ పనులు చేపట్టాలని ఆదేశించారు. అనంతరం జూనియర్, డిగ్రీ కాలేజీల ప్రిన్సిపాళ్లతో సమీక్ష నిర్వహించారు. జిల్లాలో ప్రభుత్వ, ప్రైవేట్కాలేజీల్లో చదువుతున్న మొత్తం 9500 మంది ఇంటర్విద్యార్థులపై ప్రత్యేక దృష్టి సారించాలని, ఉత్తీర్ణత శాతాన్ని పెంచాలన్నారు.
