సికింద్రాబాద్, వెలుగు: ఎలాంటి రసీదులు లేకుండా రైలులో బంగారు ఆభరణాలు తరలిస్తుండగా ఓ వ్యక్తిని రైల్వే పోలీసులు అరెస్టు చేశారు. అతని వద్ద నుంచి సుమారు రూ.18.20లక్షల విలువైన బంగారు ఆభరణాలు స్వాధీనం చేసుకుని ఇన్కమ్ ట్యాక్స్ అధికారులకు అందజేశారు. రైల్వే ఇన్స్పెక్టర్సాయి ఈశ్వర్గౌడ్ తెలిపిన మేరకు.. సికింద్రాబాద్ రైల్వే స్టేషన్లో బుధవారం ఉదయం 5.30గంటలకు రైల్వే పోలీసులు తనిఖీలు చేపట్టారు.
ప్లాట్ఫామ్. -2 మిడిల్ఫుట్ఓవర్ బ్రిడ్జిపైన ఓ వ్యక్తి అనుమానాస్పదంగా తిరుగుతుండ గా.. పోలీసులు వెళ్లి అతని బ్యాగును చెక్చేశారు. అందులో 260 గ్రాముల బంగారు ఆభరణాలు లభించాయి. ఆభరణాలు ఎక్కడ నుంచి తెచ్చారు..? ఎక్కడకు తీసుకువెళుతున్నారు..? వాటికి సంబంధించిన ఆధారాలు చూపాలని వ్యక్తిని కోరగా ఎలాంటి ఆధారాలు చూపలేదు.
దీంతో అతడి వివరాలు తెలుసుకోగా.. చార్మినార్సమీపంలోని చార్ కమాన్చెలాపురాకు చెందిన గోల్డ్స్మిత్ కౌశిక్సంత్ర(30)గా చెప్పాడు. ఆభరణాలను సికింద్రాబాద్నుంచి లింగంపల్లి ద్వారా -విజయవాడ వెళ్లే ఇంటర్సిటీ రైలులో గుంటూరుకు తీసుకెళ్తున్నట్టు తెలిపాడు. నగలకు సంబంధించిన కొనుగోలు రసీదులు లేకపోవడంతో ఇన్కమ్ ట్యాక్స్ అధికారులకు అప్పగించినట్టు రైల్వే ఇన్ స్పెక్టర్ తెలిపారు.
