సికింద్రాబాద్, వెలుగు: గుర్తుతెలియని వ్యక్తులు సికింద్రాబాద్ రైల్వే స్టేషన్లో వదిలేసిన 27 కిలోల గంజాయిని రైల్వే పోలీసులు స్వాధీనం చేసుకున్నారు. రైల్వే అర్బన్ డీఎస్పీ జావెద్ తెలిపిన వివరాల ప్రకారం.. ఎస్సై మాజీద్ శుక్రవారం మధ్యాహ్నం సిబ్బందితో కలిసి సికింద్రాబాద్ రైల్వే స్టేషన్లో తనిఖీలు చేస్తుండగా, ప్లాట్ ఫాం నంబర్–1పై ఓ ట్రాలీ బ్యాగ్, బ్యాక్ప్యాక్ బ్యాగ్కనిపించాయి.
కొన్నిగంటల పాటు అవి అక్కడే ఉన్నాయని తెలుసుకుని స్వాధీనం చేసుకున్నారు. ఓపెన్చేసి చూడగా, 27 కిలోల గంజాయి దొరికింది. బ్యాగులను ఎవరు తెచ్చి పెట్టారు? ఎలా వచ్చాయని పోలీసులు ఆరా తీస్తున్నారు. పోలీసుల తనిఖీల్లో దొరుకుతామనే భయంతో గంజాయి స్మగ్లర్లు వదిలేసి ఉంటారని అనుమానిస్తున్నారు. సీసీ టీవీ ఫుటేజీలను పరిశీలిస్తున్నారు.
