పద్మారావునగర్, వెలుగు: జ్యోతిషం పేరుతో భయబ్రాంతులకు గురిచేసి ఓ మహిళ నుంచి రూ. 2 8లక్షల32వేలను లాగిన నలుగురిని గాంధీనగర్ పోలీసులు అరెస్ట్ చేశారు. ఇన్ స్పెక్టర్ డి.రాజు వివరాల ప్రకారం... బన్సీలాల్పేట డివిజన్ న్యూ బోయిగూడ కు చెందిన మంత్రి జయనందిని వద్దకు కిందటి నెల కొందరు యువకులు వచ్చారు. తాము జ్యోతిషం తో, పూజలతో సమస్యలను దూరం చేస్తామని నమ్మించారు.
ఈ క్రమంలో పూజలు, మంత్రాల కోసం డబ్బులు కావాలని ఐదు దఫాలుగా డబ్బులు వసూలు చేశారు. మరోసారి డబ్బుల కోసం తీవ్ర ఒత్తిడి చేయగా.. భయాందోళనకు గురైన బాధితురాలు పోలీసులను ఆశ్రయించింది. పోలీసులు కేసు నమోదు చేసి.. బాపూజీ నగర్ లో ఉంటున్న నలుగురు పూర్ణం నాగరాజు (33), ఎర్నాల వాసు (40), కిన్నెర సాయి(30), పూర్ణం నివాస్ (19) ను రిమాండ్కు తరలించారు. వీరంతా ఏపీలో వెస్ట్ గోదావరి జిల్లా కు చెందిన వారని సీఐ తెలిపారు. వారి నుంచి మొత్తం నగదు 28 లక్షల 32 వేలను రికవరీ చేశామన్నారు.
