హైదరాబాద్ వెలుగు: టీచర్ పోస్టుల భర్తీకి నిర్వహించిన డీఎసీ ప్రిలిమినరీ కీపై అభ్యంతరాల స్వీకరణ గడువు మంగళవారం సాయంత్రంతో ముగిసింది. మొత్తం 28 వేలకు పైగా అభ్యంతరాలు వచ్చాయని అధికారులు తెలిపారు. వీటిలో ఐదారు ప్రశ్నలపైనే ఎక్కువ మంది అభ్యంతరాలు తెలిపారని పేర్కొన్నారు.
రాష్ట్ర వ్యాప్తంగా 11,062 టీచర్ పోస్టుల భర్తీ కోసం గత నెల 18 నుంచి ఈ నెల 5వరకూ డీఎస్సీ పరీక్షలు జరగ్గా 2.45,263 మంది హాజరయ్యారు. ఈనెల 13న ఈ పరీక్షల ప్రిలిమినరీ కీతో పాటు రెస్పాన్స్ షీట్లను స్కూల్ ఎడ్యుకేషన్ అధికారులు రిలీజ్ చేశారు. ఈ నెలాఖరులో ఫైనల్ కీ రిలీజ్ చేసేందుకు ఏర్పాట్లు చేస్తున్నారు.
