గ్రీన్ హైడ్రోజన్పై రెండో అంతర్జాతీయ సదస్సు –2024(ఐసీజీహెచ్–2024) సెప్టెంబర్ 11 నుంచి 13 వరకు న్యూ ఢిల్లీలోని భారత్ మండపంలో జరిగింది. అభివృద్ధి చెందుతున్న శాస్త్ర, సాంకేతికత ద్వారా గ్రీన్ హైడ్రోజన్ ఉపయోగాన్ని వేగవంతం చేసేందుకు వ్యూహాత్మక పెట్టుబడులు, భాగస్వామ్యాలను పెంపొందించడం ద్వారా ప్రపంచ హైడ్రోజన్ పర్యావరణ వ్యవస్థలో భారతదేశాన్ని అగ్రగామిగా నిలబెట్టడమే ఈ సమావేశం లక్ష్యం.
గ్రీన్ హైడ్రోజన్ 2024 రెండో అంతర్జాతీయ సమావేశాన్నిపెట్రోలియం, సహజవాయువు మంత్రిత్వశాఖ, సైన్స్ అండ్ టెక్నాలజీ డిపార్ట్మెంట్, సైంటిఫిక్ అండ్ ఇండస్ట్రియల్ రీసెర్చ్ డిపార్ట్మెంట్తో కలిసి సంయుక్తంగా నూతన, పునరుత్పాదక ఇంధన మంత్రిత్వశాఖ, భారత ప్రభుత్వ ప్రిన్సిపల్ సైంటిఫిక్ అడ్వైజర్ కార్యాలయం నిర్వహిస్తాయి. సోలార్ ఎనర్జీ కార్పొరేషన్ ఆఫ్ ఇండియా, ఈవై సంస్థలు అమలు పరిచే, విజ్ఙాన భాగస్వాములుగా ఉన్నాయి. పారిశ్రామిక భాగస్వామిగా ఫిక్కీ ఉంది.
గ్రీన్ హైడ్రోజన్ పాత్ర
ప్రపంచ ఇంధన రంగంలో గ్రీన్ హైడ్రోజన్ కీలక పాత్రను పోషిస్తున్నది. విద్యుదుత్పత్తి కష్టసాధ్యంగా ఉన్న పరిశ్రమల్లో కర్బన ఉద్గారాలను తగ్గించేందుకు ఇది సాయపడుతుంది. చమురు శుద్ధి కర్మాగారాలు, ఎరువులు, ఉక్కు, భారీ స్థాయి రవాణా తదితర రంగాలు అనేకం దీనివల్ల లాభపడనున్నాయి.
నేషనల్ గ్రీన్ హైడ్రోజన్ మిషన్
భారతదేశాన్ని గ్లోబల్ గ్రీన్ హైడ్రోజన్ హబ్గా మార్చేందుకు రూ.22వేల కోట్లతో నేషనల్ గ్రీన్ హైడ్రోజన్ మిషన్ను 2023లో కేంద్ర ప్రభుత్వం ప్రారంభించింది. 2030 నాటికి కనీసం ఐదు మిలియన్ టన్నుల గ్రీన్ హైడ్రోజన్ ఉత్పత్తి చేయాలని ప్రభుత్వం లక్ష్యంగా పెట్టుకున్నది. ఇది 10 మిలియన్ టన్నులకు చేరుకుంటూ ఎగుమతులు కూడా చేయవచ్చు. 2030 నాటికి కర్బన్ ఉద్గారాలను తగ్గించడంతోపాటు స్వచ్ఛమైన ఇంధనాన్ని అందించడం, 2030 నాటికి 125 గిగా వాట్స్ పునరుత్పాదక ఇంధన సామర్థ్యాన్ని సాధించాలన్నదే ఈ మిషన్ లక్ష్యం.
గ్రీన్ హైడ్రోజన్ అంటే
ఇది స్వచ్ఛమైన శక్తి. సోలార్ పవర్ తదితర పునరుత్పాదక శక్తిని వినియోగించి నీటిని హైడ్రోజన్గా, ఆక్సిజన్గా ఉపయోగించే విద్యుత్తు, పునరుత్పాదక ఇంధన వనరుల నుంచే వస్తుంది. కాబట్టి, ఇది పూర్తిగా కాలుష్య రహితం. అందుకే దీనిని గ్రీన్ హైడ్రోజన్ అంటున్నారు.
చమురు శుద్ధి, ఎరువులు, ఉక్కు, సిమెంట్ తదితర కార్బన్ రహిత భారీ పరిశ్రమలకు ఇది సహాయపడుతుందని పర్యావరణవేత్తలు చెబుతున్నారు. ఈ మిషన్ ద్వారా ఉత్పత్తి చేసే కర్బన్ రహిత హైడ్రోజన్ను వాహనాలకు ఇంధనంగా ఉపయోగిస్తారు.
