విశ్వక్ సేన్ హీరోగా రవితేజ ముళ్లపూడి దర్శకత్వంలో రూపొందిన చిత్రం ‘మెకానిక్ రాకీ’. మీనాక్షి చౌదరి, శ్రద్ధా శ్రీనాథ్ హీరోయిన్స్. రామ్ తాళ్లూరి నిర్మించారు. నవంబర్ 22న సినిమా రిలీజ్ కానుంది. ఇప్పటికే ఒక ట్రైలర్‌‌‌‌ను విడుదల చేయగా, తాజాగా 2.0 పేరుతో సెకండ్ ట్రైలర్‌‌‌‌ను రిలీజ్ చేశారు. ఈ సందర్భంగా వరంగల్‌‌లో నిర్వహించిన ఈవెంట్‌‌కి ఎంపీ కడియం కావ్య, ఎమ్మెల్యే నాయిని రాజేందర్ రెడ్డి ముఖ్య అతిధులుగా హాజరై టీమ్‌‌కు బెస్ట్ విషెస్ చెప్పారు. విశ్వక్ సేన్ మాట్లాడుతూ ‘ఇది చాలా మంచి సినిమా. ఐదు నిమిషాలు కూడా బోర్ కొట్టదు. మాకు తెలిసింది సినిమా ఒకటే.
దానికోసం ప్రాణం పెడతాం. క్రిటిక్స్, రివ్యూస్ మాకు మంచి సినిమా చేయడానికి ఒక మోటివేషన్. అందర్నీ ఇంప్రెస్ చేయడమే మా పని’ అని చెప్పాడు. ఇది యూత్ అండ్ మాస్, ఫ్యామిలీ ఎంటర్‌‌‌‌టైనర్ అని హీరోయిన్స్ మీనాక్షి చౌదరి, శ్రద్ధా శ్రీనాథ్ అన్నారు. ప్రతి ఒక్కరికీ నచ్చేలా సినిమా ఉంటుందని దర్శక నిర్మాతలు చెప్పారు. టీమ్ అంతా పాల్గొన్నారు.
