వికారాబాద్, వెలుగు: వికారాబాద్ జిల్లాలో మంగళవారం సాయంత్రం రెండు గంజాయి కేసులు నమోదయ్యాయి. తాండూరు రైల్వే స్టేషన్ సమీపంలో ఓ వ్యక్తి గంజాయి అమ్ముతున్నాడనే సమాచారంతో జిల్లా ఎక్సైజ్ పోలీసులు దాడులు చేశారు.
ఒడిశాకు చెందిన శిభారం స్వైన్ ను అరెస్టు చేసి, 2 కేజీల ఎండు గంజాయిని సీజ్ చేశారు. అలాగే తాండూరులో గుర్తు తెలియని వ్యక్తి దాచి ఉంచిన16 కేజీల ఎండు గంజాయి, 2 కేజీల పౌడర్ ను స్వాధీనం చేసుకున్నట్లు జిల్లా ఎక్సైజ్ సూపరింటెండెంట్ విజయభాస్కర్ తెలిపారు.
