- ఈక్వల్ వాల్యూ ఇన్ ఫ్రాస్ట్రక్చర్ కింద విడుదల
- త్వరలో అండర్ గ్రౌండ్ డ్రైనేజీ, నాలాల అభివృద్ధి
- ఎలివేటెడ్ కారిడార్ప్రాజెక్టులో భాగంగా పనులు
హైదరాబాద్సిటీ, వెలుగు : రాష్ట్ర ప్రభుత్వం ప్రతిష్టాత్మకంగా నిర్మించ తలపెట్టిన ఎలివేటెడ్ కారిడార్, డబుల్డెక్కర్ ఎలివేటెడ్కారిడార్కు సంబంధించిన పనులు చకచకా సాగుతున్నాయి. ప్యారడైజ్ నుంచి బోయిన్ పల్లి వరకు డబుల్డెక్కర్, జేబీఎస్ నుంచి శామీర్పేట వరకు ఎలివేటెడ్ కారిడార్ ప్లాన్చేయగా, రూ.3,812కోట్ల అంచనా వ్యయంతో హెచ్ఎండీఏ పనులు చేపట్టనున్నది. వీటి కోసం కంటోన్మెంట్పరిధిలో భూసేకరణ కొనసాగుతోంది. పరిహారం కింద భూమినే ఇచ్చేందుకు సిద్ధమైంది.
ప్రభుత్వం ఇచ్చిన హామీ ప్రకారం కంటోన్మెంట్పరిధిలో భూమి సేకరించిన ప్రాంతాల్లో ‘ఈక్వల్వాల్యూ ఇన్ఫ్రాస్ట్రక్చర్’ కింద వివిధ రకాల అభివృద్ధి పనులు చేపట్టేందుకు అధికారులు సిద్ధమవుతున్నారు. ఆయా పనులు చేపట్టేందుకు ప్రభుత్వం బుధవారం గ్రీన్ సిగ్నల్ ఇచ్చింది. ఈక్వల్వాల్యూ ఇన్ఫ్రాస్ట్రక్చర్కింద రూ.303.62 కోట్లు రిలీజ్చేసింది. వీటితో వాటర్బోర్డు అధికారులు కంటోన్మెంట్ లో అండర్గ్రౌండ్డ్రైనేజీ వ్యవస్థను డెవలప్చేయనున్నారు.
జీహెచ్ఎంసీ అధికారులు పికెట్ నుంచి శేషాచల కాలనీ, ఎల్ఐసీ కాలనీ, జూబ్లీబస్స్టేషన్, ఎంట్రెంచ్రోడ్గుండా పారే నాలాకు ఇరువైపులా రిటైనింగ్ వాల్స్ నిర్మించనున్నారు. హస్మత్పేట ప్రోగ్రెస్కాలనీ, రాయల్ఎన్క్లేవ్, పార్క్వ్యూ ఎన్క్లేవ్, సెయిల్కాలనీ, భావన నగర్, చిన్నతొకట్ట, బేగంపేట ఎయిర్ పోర్టునుంచి ప్యాట్నీ మీదుగా ఇందిరమ్మనగర్, రసూల్పురా వరకు ఉన్న నాలాకు రిటైనింగ్వాల్స్ నిర్మించనున్నారు.
స్పెషల్ కమిటీ ఏర్పాటుకు నిర్ణయం
ఎలివేటెడ్ కారిడార్ ప్రాజెక్టుకు సంబంధించి భూసేకరణ, ఇతర పనులను పూర్తి చేయాలంటే తప్పని సరిగా హెచ్ఎండీఏ, జీహెచ్ఎంసీ, రక్షణ శాఖ, ఎయిర్పోర్టు అథారిటీ అధికారులు సమన్వయంగా వ్యవహరించాల్సి ఉంటుంది. ముఖ్యంగా భూముల సేకరణ, యుటిలిటీల తరలింపు కోసం ఆయా శాఖలతో సంప్రదింపులు జరపాల్సి ఉంటుంది. ఎప్పటికప్పుడు ప్రాజెక్టు పనులు సవ్యంగా జరగాలన్నా పరస్పర సహకారం తప్పనిసరి. ఈ నేపథ్యంలో వివిధ శాఖలతో కమిటీని ఏర్పాటు చేసే యోచనలో అధికారులు ఉన్నారు. ప్రభుత్వం కూడా దీనికి సానుకూలంగా ఉన్నట్టు సమాచారం.
