హైదరాబాద్, వెలుగు: రాష్ట్రంలోని మోడల్ స్కూళ్లలో ప్రవేశాలకు ఆదివారం నిర్వహించిన అడ్మిషన్ టెస్టు ప్రశాంతంగా ముగిసింది. మొత్తం 40,331 మందికి గానూ 30,879 (76.56%) మంది అటెండ్ అయినట్టు మోడల్ స్కూల్ అడిషనల్ డైరెక్టర్ శ్రీనివాస్చారి తెలిపారు. ఉదయం నిర్వహించిన సెషన్ లో ఆరో తరగతి అడ్మిషన్ల కోసం జరిగిన టెస్టుకు 23,944 మందికి గానూ 18,496 మంది హాజయ్యారు.
మధ్యాహ్నం సెషన్లో ఏడు నుంచి పదో తరగతి వరకూ ఖాళీగా ఉన్న సీట్ల కోసం 16,387 మందికి గానూ 12,383 మంది పరీక్ష రాశారు. కాగా, షెడ్యూల్ ప్రకారం మే 20న ప్రిన్సిపాల్స్ కు సెలక్షన్ లిస్టును పంపించనున్నారు. మే 28న మోడల్ స్కూళ్లలో ఫైనల్ సెలెక్షన్ లిస్టును వేయనున్నారు.
