హైదరాబాద్, వెలుగు: భారీ వర్షాలకు గ్రేటర్ పరిధిలోని చెరువులు నిండాయి. మొత్తం185 చెరువులు ఉండగా, దాదాపు అన్నింటికీ వరదనీరు వచ్చి చేరుతోంది. ఇందులో 32 చెరువులు ఎఫ్టీఎల్ని మించిపోయాయి. జీహెచ్ఎంసీ లేక్స్ విభాగం అధికారులు ఎప్పటికప్పుడు వాటర్లెవల్స్ను పరిశీలిస్తున్నారు. అవసరమైతే నీటిని బయటకు పంపేందుకు ఏర్పాట్లు చేశారు. లోతట్టు ప్రాంతాల ప్రజలను అలెర్ట్ చేస్తున్నారు.
డీఆర్ఎఫ్, మాన్సూన్ టీమ్స్ ఆయా ప్రాంతాల్లో పర్యటించి, చెరువులు ఫుల్ అయ్యాయని మైక్ ద్వారా అనౌన్స్మెంట్ఇస్తున్నారు. శేరిలింగంపల్లిలో 9, కుత్బుల్లాపూర్లో 5, కూకట్ పల్లిలో 5, ఉప్పల్లో 3, షేక్ పేటలో 3, బాలానగర్, మణికొండ, ఖైరతాబాద్, అల్వాల్, బహదూర్ పురా, గోల్కొండ, ఆర్సీపురం ప్రాంతాల్లో ఒక్కో చెరువు ఎఫ్టీఎల్ను మించాయి.
