- 286 సెంటర్ల ద్వారా 1.55 లక్షల టన్నులు సేకరణ
- రైతుల అకౌంట్లలో రూ.254.53 కోట్లు జమ
- ట్యాబ్ ఎంట్రీ పూర్తి కాగానే మిగతా మొత్తం చెల్లింపు
మంచిర్యాల, వెలుగు: మంచిర్యాల జిల్లాలో యాసంగి సీజన్ధాన్యం కొనుగోళ్లు దాదాపు పూర్తయ్యాయి. ఇప్పటివరకు రైతుల దగ్గర నుంచి రూ.342.19 కోట్ల విలువైన 1.55 లక్షల మెట్రిక్ టన్నుల వడ్లను కొనుగోలు చేశారు. ఈ ఏడాది 1.76 లక్షల మెట్రిక్ టన్నుల ధాన్యం సేకరించాలని ప్రభుత్వం టార్గెట్గా పెట్టుకుంది. ఇందుకోసం డీఆర్డీఏ ఐకేపీ ఆధ్వర్యంలో 136, పీఏసీఎస్ 89, మెప్మా 10, డీసీఎంఎస్ ద్వారా 51, మొత్తం 286 సెంటర్లను ఏర్పాటు చేశారు. ఇప్పటికే 285 సెంటర్లు క్లోజ్ కాగా, ఒక్క వేమనపల్లి మండలం నీల్వాయి సెంటర్ మాత్రమే ఓపెన్ ఉంది. ఇక్కడ ఉన్న 8 లారీల వడ్లను ట్రాన్స్పోర్ట్ చేసిన తర్వాత సెంటర్ను మూసివేయనున్నారు.
రైతుల ఖాతాల్లో రూ.254 కోట్లు
జిల్లావ్యాప్తంగా 24,482 మంది రైతుల నుంచి రూ.342.19 కోట్ల విలువైన వడ్లు సేకరించగా, ఇప్పటివరకు 19,557 మంది రైతుల బ్యాంక్ అకౌంట్లలో రూ.254.53 జమ చేశారు. 23,316 మంది రైతులకు సంబంధించి రూ.279.70 కోట్లను ట్యాబ్ ఎంట్రీ చేశారు. ఇంకా 1,166 మంది రైతులకు సంబంధించిన రూ.62.50 కోట్లు ట్యాబ్ ఎంట్రీ పెండింగ్ ఉంది. ఈ ప్రక్రియ పూర్తయిన వాటిలో 4,925 మంది రైతులకు రూ.25.17 కోట్లు చెల్లించాల్సి ఉంది.
నిరుటికంటే తక్కువే..
ఈ ఏడాది యాసంగి సీజన్లో నిరుటి కంటే తక్కువే కొనుగోళ్లు చేశారు. కిందటేడాది ఏప్రిల్19న సెంటర్లను ఓపెన్ చేయగా, ఈసారి ఏప్రిల్1 నుంచే ప్రారంభించారు. 2022–23 సీజన్లో 1.86 లక్షల మెట్రిక్ టన్నుల వడ్లను సేకరించగా, ఈసారి 1.55 లక్షల మెట్రిక్ టన్నులు కోనుగోళ్లు చేశారు. 2017–18లో 1.38 లక్షలు, 2018–19లో 1.56 లక్షలు, 201–20లో1.99 లక్షలు, 2020–21 సీజన్లో రికార్డు స్థాయిలో 2.23 లక్షల మెట్రిక్ టన్నుల ధాన్యం సేకరించారు. 2021–22లో అతి తక్కువగా 1.13 లక్షల మెట్రిక్ టన్నులు మాత్రమే కొనుగోళ్లు జరిపారు.
11 క్వింటాళ్లు కట్ చేసిన్రు
కొనుగోలు కేంద్రాల్లో రైతుల ధాన్యం తరుగు తీయకుండా అడిషనల్ కలెక్టర్ (రెవెన్యూ) సబావత్మోతీలాల్తో పాటు సివిల్ సప్లయీస్ అధికారులు పకడ్బందీ చర్యలు తీసుకున్నారు. అయితే రైస్మిల్లుల్లో మాత్రం తరుగు పేరిట రైతులను దోచుకుంటున్నారు. వేమనపల్లి మండలం గొర్లపల్లి ఐకేపీ సెంటర్లో పురాణం లక్ష్మీకాంత్అనే రైతు 98.80 క్వింటాళ్ల వడ్లను తూకం వేశాడు. వాటిని పెద్దపల్లి జిల్లా కన్నాలలోని గణపతి ఇండస్ట్రీస్కు పంపగా అక్కడ ఏకంగా 11 క్వింటాళ్లు కట్చేశారని రైతు ఆవేదన వ్యక్తం చేశాడు. సోమవారం సివిల్సప్లయీస్ కార్పొరేషన్ డీఎం గోపాల్ను కలిసి ఫిర్యాదు చేశాడు.
ఈ సీజన్లో కొనుగోళ్ల వివరాలు
ఏజెన్సీ సెంటర్లు కొనుగోళ్లు
ఐకేపీ 136 83,481
పీఏసీఎస్ 89 36,436
మెప్మా 10 5,443
డీసీఎంఎస్ 51 29,842
మొత్తం 286 1,55,330
