- నాలుగేండ్ల బాలుడికి ఎంత కష్టం
- అరుదైన ఎక్ట్ర్సో ఫీ బ్లాడర్ వ్యాధితో తిప్పలు
- శరీరం లోపల ఉండాల్సిన యూరిన్ బ్లాడర్బాడీ బయట
- మూత్రంపై నియంత్రణ లేక నిరంతరం విసర్జన
- ఆపరేషన్కోసం రూ.8 లక్షల ఖర్చు
- ఆపన్నుల సాయం కోసం నిరీక్షణ
నిజామాబాద్, వెలుగు : నిజామాబాద్ సిటీలోని ఆర్యా నగర్కు చెందిన కమ్మరి సంతోష్, స్వాతిరాణి దంపతుల నాలుగేండ్ల కొడుకు గౌతంరాజ్అరుదైన వ్యాధితో బాధపడుతున్నాడు. ఆ చిన్నారికి ఆపరేషన్ చేయించలేని నిస్సహాయ స్థితిలో ఉన్న తల్లిదండ్రులు ఆపన్నహస్తం కోసం ఆశగా ఎదురుచూస్తున్నారు. గౌతంరాజ్ ఎక్ర్ట్సోఫీ బ్లాడర్అనే అరుదైన వ్యాధితో బాధపడుతున్నాడు. ఈ వ్యాధి కారణంగా బాడీ లోపల ఉండాల్సిన యూరిన్బ్లాడర్ శరీరం బయట ఉండడంతో మూత్ర విసర్జనపై కంట్రోల్ఉండడం లేదు. మూత్రం బొట్టుబొట్టుగా నిరంతరం బ్లాడర్నుంచి లీక్ అవుతోంది. తల్లిదండ్రులు ఎప్పటికప్పుడు శుభ్రంచేస్తూ బట్టతో చుడుతున్నారు. బయట పిల్లలెవరితోనూ గౌతంరాజ్ ఆడుకోలేపోతున్నాడు.
యాక్సిడెంట్తో మారిన సీన్
సంతోష్, స్వాతి దంపతులకు మొదట కూతురు శాన్వీ పుట్టింది. ఆ పాప ఇప్పుడు ఐదో క్లాస్ చదువుతోంది. ఉన్న దాంట్లో సర్దుకుపోతున్న తరుణంలో గౌతంరాజ్అరుదైన వ్యాధితో పుట్టడంతో ఆ కుటుంబంలో కష్టాలు మొదలయ్యాయి. హైదరాబాద్ నిలోఫర్సహా ప్రైవేట్ ఆస్పత్రుల్లో కొడుకును చూపించారు. కిలోన్నర బరువుతో పుట్టినందున ఆపరేషన్ చేయలేమని డాక్టర్లు చెప్పారు. కావాల్సిన బరువు పెరిగాక ఆపరేషన్ చేయించడానికి రెడీ అయి రూ.8 లక్షలు సిద్ధం చేసుకున్నారు. అదే సమయంలో కరోనా లాక్డౌన్తో చేయించలేదు. సరిగ్గా అప్పుడే సంతోష్ కు యాక్సిడెంట్అయింది.
ప్రమాదంతో కాలు, చేయి పనిచేయలేదు. పనిచేసి కుటుంబాన్ని పోషించే పరిస్థితి లేక కొడుకు ఆపరేషన్ కోసం సిద్ధం చేసిన రూ.8 లక్షలు ఖర్చుపెట్టారు. సంతోష్ ఇటీవలే కోలుకున్నాడు. కొడుకును బాగు చేయించాలనే ఆరాటంతో గత బీఆర్ఎస్ గవర్నమెంట్లో మంత్రులుగా ఉన్న కేటీఆర్, హరీశ్రావు, ఎమ్మెల్సీ కవితను కలిసి సహాయం కోసం అర్థించాడు. వారు సరే.. అన్నారే తప్ప ఏమీ చేయలేదని సంతోష్ ఆవేదనతో చెప్పాడు.
స్విగ్గీలో డెలివరీ బాయ్గా చేస్తూ ఉపాధి పొందుతున్నానని, తన భార్య స్వాతిరాణి షాప్లో పనిచేస్తోందని తెలిపాడు. హైదరాబాద్రెయిన్బో హాస్పిటల్ యాజమాన్యం రెండు రకాల ఆపరేషన్తో తమ కొడుకును బాగు చేయొచ్చని చెప్పిందన్నారు. దాతలు ఆదుకోవాలని ఆయన కోరుతున్నాడు. తన గూగుల్, ఫోన్పే నంబర్లు 90007 33746, 7780 434617కు దాతలు సాయం పంపవచ్చని తెలిపారు.
