హైదరాబాద్/సికింద్రాబాద్, వెలుగు: గ్రేటర్పరిధిలోని పలు ప్రాంతాల్లో వర్షం దంచికొట్టింది. అత్యధికంగా సైదాబాద్ లో 4.10 సెంటీమీటర్ల వర్షం కురిసింది. ఢబీర్పురాలో 3.98, చార్మినార్లో 3.35, కంచన్ బాగ్ లో 3 సెంటీమీటర్ల వాన పడింది. మిగిలినచోట్ల మోస్తరు వాన కురిసింది.
ఈదురు గాలులకు చాలాచోట్ల చెట్లు విరిగి పడ్డాయి. బేగంపేటలో చెట్లు విరిగి పడ్డాయని తెలుసుకున్న జోనల్ కమిషనర్ రవికిరణ్ స్పాట్కు వెళ్లి డీఆర్ఎఫ్ సిబ్బందితో క్లియర్చేయించారు. సికింద్రాబాద్లోని పలు ప్రాంతాలను వరద నీరు ముంచెత్తింది. రోడ్లన్నీ జలమయమయ్యాయి. మరో రెండ్రోజులపాటు తేలికపాటి వర్షాలు కురిసే అవకాశం ఉందని వాతావరణ శాఖ అధికారులు తెలిపారు.
