అంతర్జాతీయ పెట్టుబడి వలస సలహా సంస్థ హెన్లీ అండ్ పార్ట్నర్స్ ఇటీవల విడుదల చేసిన నివేదిక ప్రకారం 2024లో సుమారు 4300 మంది మిలియనీర్లు భారత్ వదిలి వెళ్లనున్నారని అంచనా వేసింది. గత ఏడాది 5100 మంది భారతీయ మిలయనీర్లు విదేశాలకు వలస వెళ్లినట్లుగా ఇదే సంస్థ పేర్కొంది.
- చైనా, యూకే తర్వాత మిలియనీర్ల వలసలపరంగా ప్రపంచ వ్యాప్తంగా భారత్ మూడో స్థానంలో ఉన్నట్లు అంచనా. ప్రపంచంలో అత్యధిక జనాభా కలిగిన దేశంగా భారత్ అవతరించింది. ప్రతి ఏడాది భారత్ నుంచి వేల మంది మిలియనీర్లు వలస వెళ్తుండగా, యూఏఈకి అత్యధికంగా వలస పోతున్నారు.
- గత దశాబ్దంలో 85 శాతం సంపద వృద్ధితో యూఏఈ ఇంకా కొత్త మిలియనీర్లను తయారు చేస్తూనే ఉన్నది. తద్వారా వలసలు పెరిగినా పెద్దగా ఆందోళన చెందాల్సిన అవసరం లేదని నివేదిక పేర్కొంది. వలస వెళ్లే మిలియనీర్లలో చాలా మంది భారత్లో వ్యాపార ప్రయోజనాలు మాత్రమే కాదు సొం త దేశంలో ఇళ్లను కలిగి ఉన్నారని నివేదిక పేర్కొంది. భారత్తో కొనసాగుతున్న ఆర్థిక సంబంధాలను సూచిస్తుందని తెలిపింది.
- భారతీయ ప్రైవేట్ బ్యాంకులు, వెల్త్ మేనేజ్మెంట్ ప్లాట్ఫారమ్లు, క్లయింట్లకు అవసరమైన పెట్టుబడి సేవలను అందించడానికి యూఏఈలో విస్తరిస్తున్నాయి. ఈ రెండు కూడా ప్రపంచ వైవిధ్యం, విస్తరణ అవసరాలతో భారతీయ క్లయింట్స్కు సపోర్టును అందిస్తున్నాయి. అదేవిధంగా, ఇతర బ్యాంకులు కూడా యూఏఈలో తమ ఉనికిని పెంచుకుంటున్నాయి. భారతీయ కుటుంబాలకు పోటీతత్వ సంపద నిర్వహణ సేవలను అందిస్తున్నాయి.
- యూఏఈలో స్థిరపడిన భారతీయ కుటుంబాలకు సంపద నిర్వహణ సేవలను అందించడానికి కోటక్ మహీంద్రా బ్యాంక్ 360 వన్ వెల్త్ డాట్స్లో చేరుతున్నాయని, తమ పోటీదారులను కోల్పోకుండా చూసుకుంటారని హెన్లీ నివేదిక పేర్కొంది.
