- హయ్యర్ ఎడ్యుకేషన్ కౌన్సిల్ చైర్మన్ లింబాద్రి
హైదరాబాద్,వెలుగు: డిగ్రీ కోర్సుల్లో అడ్మిషన్ల కోసం నిర్వహించిన దోస్త్ స్పెషల్ ఫేజ్ లో 44,683 మందికి సీట్లు అలాట్ చేసినట్టు హయ్యర్ ఎడ్యుకేషన్ కౌన్సిల్ చైర్మన్ ప్రొఫెసర్ లింబాద్రి తెలిపారు. మొత్తం 46,538 మంది వెబ్ ఆప్షన్లు ఇచ్చారని చెప్పారు. దీంట్లో ఫస్ట్ ప్రయార్టీ ఆప్షన్ లోనే 38,760 మందికి సీట్లు అలాటైనట్టు పేర్కొన్నారు.
అయితే, తక్కువ ఆప్షన్లు పెట్టుకున్న 1,855 మందికి సీట్లు అలాట్ కాలేదని వెల్లడించారు. కామర్స్ కోర్సులో 16,200 మంది ఆర్ట్స్ కోర్సుల్లో 7,490 మంది, లైఫ్ సైన్సెస్ లో 9,151, ఫిజికల్ సైన్స్ లో 7,624, డీఫార్మసీలో 57 మంది, ఇతర గ్రూపుల్లో మరో 4,161 మందికి సీట్లు కేటాయించారు. సీట్లు పొందిన విద్యార్థులు ఈ నెల 9లోగా ఆన్లైన్ లో సెల్ఫ్ రిపోర్టింగ్ చేయాలని లింబాద్రి సూచించారు.
