- ఏప్రిల్ నెలలో గ్రేటర్లోకి మరో 250 బస్సులు
- వచ్చే ఏడాది నాటికి అన్ని ఎలక్ట్రిక్బస్సులే
హైదరాబాద్సిటీ, వెలుగు: గ్రేటర్పరిధిలో కాలుష్య నివారణ కోసం ఎలక్ట్రిక్ బస్సులను ప్రవేశ పెడుతున్న ఆర్టీసీ మరో వారంలో హయత్నగర్ డిపో నుంచి 45 ఎలక్ట్రిక్బస్సులను నడిపేందుకు రెడీ అయింది. హయత్ నగర్నుంచి మెహదీపట్నం, హైటెక్ సిటీ, కొండాపూర్, మియాపూర్, చందానగర్, పటాన్చెరు వరకూ ఈ –బస్సులను నడిపేందుకు ఏర్పాట్లు చేస్తున్నారు.
ఏప్రిల్ లో మరో 250 ఎలక్ట్రిక్ బస్సులను అందుబాటులోకి తీసుకురాబోతున్నామని, వీటిని నగరంలోని ప్రధాన రూట్లలో నడుపుతామని అధికారులు చెబుతున్నారు. గ్రేటర్లో ప్రస్తుతం అన్ని రకాలవి కలిపి 2800 బస్సులను నడుపుతుండగా, ఇందులో 200 ఎలక్ట్రిక్ బస్సులున్నాయి. వచ్చే ఏడాది నాటికి నగరమంతా ఎలక్ట్రిక్ బస్సులు నడిపేలా అధికారులు ప్రణాళికలు రూపొందిస్తున్నారు.
లాంగ్ రూట్లకు ఎక్కువ ప్రాధాన్యం
ప్రస్తుతం ఔటర్రింగ్రోడ్ పరిధిలోని ప్రజలు నగరంలోని వివిధ ప్రాంతాలకు వెళ్లడానికి రెండు మూడు బస్సులు మారాల్సి వస్తోంది. దీంతో ఒకే బస్సులో గమ్యాన్ని చేరుకునేందుకు వివిధ రూట్లలో ఎలక్ట్రిక్ బస్సులను నడపాలని ఆర్టీసీ నిర్ణయించింది. ఘట్కేసర్– మెహదీపట్నం, తుక్కుగూడ– కొండాపూర్, హయాత్నగర్–పటాన్చెరు, కొండాపూర్–ఈసీఐఎల్, ఈసీఐఎల్–మెహదీపట్నం, ఉప్పల్–నానక్రామ్గూడ వంటి లాంగ్రూట్లలో ఎక్కువ బస్సులను నడపాలని నిర్ణయించింది.
ఓఆర్ఆర్పరిధిలోని అన్ని గ్రామాలు, కాలనీలకు సైతం వివిధ ఎలక్ట్రిక్, ఏసీ, ఎక్స్ప్రెస్, డీలక్స్ సర్వీసులను నడపడం ద్వారా ఆదాయాన్ని మరింత పెంచుకోవాలని నిర్ణయించింది.
