దేశంలో నిరుద్యోగం ఎలా ఉంది అనటానికి ఈ సంఖ్య చాలు.. సర్కార్ నౌకరీ కోసం ఎంత మంది వెయిట్ చేస్తున్నారు అనటానికి ఇదో ఉదాహరణ.. ఉత్తరప్రదేశ్ ప్రభుత్వం పోలీస్ రిక్రూట్ మెంట్ నోటిఫికేషన్ వేసింది. పోలీస్ శాఖలో 60 వేల 244 ఉద్యోగాలు ఉన్నాయని.. దరఖాస్తులు ఆహ్వానించింది. అంతే.. ఏకంగా 48 లక్షల మంది అర్హులు అప్లికేషన్స్ పెట్టుకున్నారు.. ఆగస్టు 23వ తేదీ నుండి 31వ తేదీ వరకు ఈ పరీక్ష నిర్వహించేందుకు నోటిఫికేషన్ విడుదల చేసింది ఉత్తరప్రదేశ్ ప్రభుత్వం.
అయితే అనూహ్య రీతిలో వచ్చిన ఈ స్పందనకు తగ్గట్టుగా ఏర్పాట్లు చేసేందుకు సిద్ధమవుతోంది ప్రభుత్వం. పరీక్షా కేంద్రాల దగ్గర ఎలాంటి అవాంఛనీయ ఘటనలు జరగకుండా పటిష్ట భద్రత ఏర్పాటు చేసే దిశగా చర్యలు చేపట్టింది ప్రభుత్వం. అభ్యర్థుల కోసం హెల్ప్ సెంటర్ల ఏర్పాటు, ముఖ్యంగా బయట ప్రాంతాల నుండి వచ్చిన అభ్యర్థులకు అసౌకర్యం కలగకుండా ఉండేలా చర్యలు తీసుకుంటామని తెలిపింది ప్రభుత్వం.
