కరోనావైరస్ కేసులు దేశవ్యాప్తంగా రోజురోజుకు విపరీతంగా పెరుగుతున్నాయి. తాజాగా గురువారం 49,310 పాజిటివ్ కేసులు నమోదయ్యాయి. దాంతో దేశంలో ఇప్పటివరకు నమోదయిన పాజిటివ్ కేసుల సంఖ్య 12,87,945కు చేరింది. వీటిలో 4,40,135 కేసులు యాక్టివ్ గా ఉన్నాయి. కరోనా బారినపడి ఇప్పటివరకు 8,17,209మంది కోలుకొని ఆస్పత్రుల నుంచి డిశ్చార్జ్ అయ్యారు. గత 24 గంటలలో కరోనా వల్ల 740 మంది చనిపోయారు. దాంతో దేశంలో ఇప్పటివరకు కరోనా వల్ల చనిపోయిన వారి సంఖ్య 30,601కి చేరింది.
దేశంలో కరోనా విషయంలో మహారాష్ట్ర పరిస్థితి దారుణంగా ఉంది. అక్కడ ఇప్పటివరకు 3,47,502 పాజిటివ్ కేసులు నమోదయ్యాయి. ఆ తర్వాత తమిళనాడులో 1,92,964 కేసులు, దేశ రాజధాని ఢిల్లీలో 1,27,364 కేసులు నమోదయ్యాయి. గురువారం దేశవ్యాప్తంగా 1,54,28,170 శాంపిళ్లు పరీక్షించారు.
For More News..
