ఇజ్రాయెల్ దళాలు గాజాలోని దక్షిణ నగరమైన ఖాన్ యూనిస్‌పై దాడి చేశాయి. ఇది వేలాది మంది పాలస్తీనియన్లను మరింత దక్షిణం వైపుకు పారిపోయేలా చేసింది. కుటుంబాలు తీరప్రాంత రహదారిపై కాలినడకన బాటపట్టాయి. ఈ క్రమంలో నగరం అంతా వ్యాపించిన పొగలు ఆందోళనను సృష్టించాయి. మరికొందరు దుప్పట్లు, వస్తువులను వాహనాలు లేదా గాడిద బండ్లలోకి ఎక్కించారని అసోసియేటెడ్ ప్రెస్ నివేదించింది. ఐక్యరాజ్యసమితి ప్రకారం, గాజాలోని 2.3 మిలియన్ల నివాసితులలో 85 శాతం మందిని ఈ యుద్ధం తరలి వెళ్లేలా చేసింది. వారిలో నలుగురిలో ఒకరు ఆకలితో అలమటిస్తున్నారు.
హమాస్‌పై 'పూర్తి విజయం' వరకు దాడిని కొనసాగిస్తానని ఇజ్రాయెల్ ప్రధాన మంత్రి బెంజమిన్ నెతన్యాహు చెబుతుండగా.. గాజాలో ఇప్పటికీ బందీలుగా ఉన్న 100 మందిని తిరిగి పంపుతామని ప్రతిజ్ఞ చేశారు. అయినప్పటికీ, హమాస్‌తో ఒప్పందం కుదుర్చుకోవాలని బందీల బంధువుల నుండి ప్రధానమంత్రి ఒత్తిడిని ఎదుర్కొంటున్నారు.
తాజాగా గాజాలోని పశ్చిమ ఖాన్ యూనిస్‌లో ఇజ్రాయెల్ దళాలు తమ దాడిని స్ట్రిప్‌లోకి విస్తరించడంతో జనవరి 22న రాత్రి దాదాపు 50 మంది మరణించారు. ఈ దాడి జనవరిలో గాజాలో జరిగిన రక్తపాత పోరాటంగా చెప్పవచ్చు. ఇజ్రాయెల్ దళాలు ఒక ఆసుపత్రిపై దాడి చేసి మరొక ఆసుపత్రిని ముట్టడించాయి, వార్తా సంస్థ రాయిటర్స్ ప్రకారం, దక్షిణ గాజాలోని ప్రధాన నగరమైన ఖాన్ యూనిస్‌కు పశ్చిమాన మధ్యధరా తీరానికి సమీపంలో ఉన్న అల్-మవాసి జిల్లాలోకి మొదటిసారిగా దళాలు చేరుకున్నాయి. అక్కడ, వారు అల్-ఖైర్ ఆసుపత్రిని ముట్టడించి, వైద్య సిబ్బందిని అదుపులోకి తీసుకున్నారు.
ఇజ్రాయెల్-హమాస్ యుద్ధంలో 25వేల మందికి పైగా పాలస్తీనియన్లు మరణించారని గాజాలోని ఆరోగ్య మంత్రిత్వ శాఖ ఇటీవలే వెల్లడించింది. ఇది అక్టోబర్ 7 న గాజాలో ఉగ్రవాదులు దక్షిణ ఇజ్రాయెల్‌పై దాడి చేయడంతో సుమారు 1,200 మందిని చనిపోగా, 250 మంది బందీలను చేసుకున్నారు.
