- గ్లోబల్గా ఫాస్టెస్ట్ డౌన్లోడెడ్ యాప్గా ఆరోగ్య సేతు
- ప్రకటించిన నీతి ఆయోగ్ సీఈవో అమితాబ్ కాంత్
న్యూఢిల్లీ: కరోనాపై పోరాటానికి కేంద్ర ప్రభుత్వం తీసుకొచ్చిన ఆరోగ్య సేతు యాప్ కు జనం నుంచి మస్తు రెస్పాన్స్ వస్తోంది. ఈ యాప్ను లాంచ్ చేసిన 13 రోజుల్లోనే 5 కోట్లకుపైగా హిట్స్ను సాధించి రికార్డు సాధించింది. కరోనావైరస్ సోకినవారి కదలికలను అబ్జర్వ్ చేసేందుకు, కాంటాక్ట్ ట్రేసింగ్ కోసం కేంద్రం ఈ యాప్ను ఏప్రిల్ 2న ప్రారంభించింది. దీని ద్వారా చుట్టు పక్కల ఉన్న కరోనా రోగుల గురించి తెలుసుకోవచ్చు. లాంచ్ చేసిన మూడు రోజుల్లోనే 50 లక్షల డౌన్లోడ్లను ఆరోగ్య సేతు సాధించింది. ‘‘టెలిఫోన్ 5 కోట్ల మందికి చేరడానికి 75 ఏండ్లు పట్టింది. రేడియోకు 38 ఏండ్లు, టీవీకి 13 ఏండ్లు, ఇంటర్నెట్కు 4 ఏండ్లు, ఫేస్బుక్కు 19 నెలలు, పొకేమన్ గోకు 19 రోజులు పట్టింది. కానీ కరోనాపై పోరాటం కోసం తీసుకొచ్చిన ఇండియా యాప్ ఆరోగ్య సేతు 13 రోజుల్లోనే 5 కోట్ల యూజర్లను సాధించింది. గ్లోబల్గా ఈ ఫీట్ సాధించిన ఫాస్టెస్ట్ ఎవర్ యాప్ ఇదే”అని నీతి ఆయోగ్ సీఈవో అమితాబ్ కాంత్ బుధవారం ప్రకటించారు. మంగళవారం లాక్డౌన్ను పొడిగిస్తున్నట్టు ప్రకటించిన ప్రధాని నరేంద్రమోడీ.. ఆరోగ్య సేతు యాప్ను అందరూ వాడాలని సూచించారు. ఈ నేపథ్యంలో 24 గంటల్లోనే ఈ యాప్ను కోటి మందికిపైగా డౌన్లోడ్ చేసుకున్నారు. ప్రధాని మోడీతోపాటు వివిధ ప్రభుత్వ విభాగాలు, ఎడ్యుకేషనల్ బోర్డ్స్ ఈ యాప్ను ప్రమోట్ చేస్తున్నాయి. ఆరోగ్య సేతు యాప్ను ఆండ్రాయిడ్, ఐవోఎస్ ఫోన్లలో దీనిని డౌన్లోడ్ చేసుకోవచ్చు. హిందీ, ఇంగ్లిష్ సహా పలు ఇండియన్ లాంగ్వేజెస్లో ఇది అందుబాటులో ఉంది. స్మార్ట్‌ఫోన్‌ లొకేషన్ ఆధారంగా కరోనా సోకిన వారు సమీపంలో ఉన్నారా అనేది తెలుసుకోవచ్చు. ఇందుకోసం యూజర్లు బ్లూటూత్.. లొకేషన్ యాక్సెస్ ఇవ్వాల్సి ఉంటుంది. కరోనా వైరస్కు సంబంధించిన కొన్ని ప్రశ్నలకు యూజర్లు జవాబు ఇవ్వాల్సి ఉంటుంది.
