గోదావరిఖని, వెలుగు: బొగ్గు, థర్మల్, సోలార్పవర్ను ఉత్పత్తి చేసే సింగరేణి సంస్థ హైడ్రో పవర్ఉత్పత్తి రంగంలోకి అడుగుపెట్టనుంది. తొలిసారిగా రూ.2,535 కోట్లతో రామగుండం ఏరియాలో మూసివేసిన మేడిపల్లి ఓపెన్కాస్ట్ప్రాజెక్ట్ ప్రాంతంలో 500 మెగావాట్ల పవర్ప్లాంట్ఏర్పాటుకు మేనేజ్మెంట్ఆలోచన చేసింది. మూడేండ్లలో ప్లాంట్ను నిర్మించి జల విద్యుత్ఉత్పత్తి చేసేలా ప్రీ ఫిజిబులిటీ రిపోర్ట్ను సింగరేణి ఆఫీసర్లు తయారు చేశారు.
ఐదేండ్ల కిందట మూసివేసిన బ్లాక్లోని బొగ్గు తీయగా ఏర్పడిన 130 ఎకరాల విస్తీర్ణంలోని(లోయర్ రిజర్వాయర్) కందకంలో 0.42 టీఎంసీల నీరు నిల్వ ఉంది. ఆ నీటిని157 మీటర్ల ఎత్తుపైన ఉన్న 125 ఎకరాల విస్తీర్ణంలోని అప్పర్రిజర్వాయర్లోకి 0.32 టీఎంసీల నీటిని భారీ మోటార్లతో పంపింగ్చేసి నింపుతారు. పగటిపూట సోలార్విద్యుత్తో ప్రక్రియను పూర్తి చేసి, రాత్రిపూట పైనున్న రిజర్వాయర్లోంచి కిందకు నీటిని వదులుతూ పంప్డ్స్టోరేజీ హైడ్రో విద్యుత్ను ఉత్పత్తి చేస్తారు.
ప్లాంట్ సామర్థ్యం 500 మెగావాట్లు కాగా, ప్రతి మెగావాట్కు రూ.5.07 కోట్లు ఖర్చు చేస్తారు. దీనిపై ఇప్పటికే టాటా కన్సల్టెంట్సంస్థ డిటైల్ప్రాజెక్ట్రిపోర్ట్ను తయారు చేసింది. మేడిపల్లి ఓపెన్కాస్ట్ క్వారీలో ఏర్పాటు చేయబోయే హైడ్రో పవర్ప్లాంట్ఏరియాను శనివారం డిప్యూటీ సీఎం మల్లు భట్టి విక్రమార్క సందర్శించి పరిశీలిస్తారు. ఇందుకు మేనేజ్మెంట్తగు ఏర్పాట్లు చేస్తోంది. ప్లాంట్నిర్మాణంపై సింగరేణి బోర్డు ఆఫ్ డైరెక్టర్ల మీటింగ్లో అప్రూవల్కావాల్సి ఉందని, ఫైనల్ అయ్యాక టెండర్ప్రక్రియను మొదలు పెడతామని సింగరేణి సీఎండీ బలరామ్ తెలిపారు.
