- 13వ బెటాలియన్లో 548 మంది కానిస్టేబుళ్లకు ట్రెయినింగ్ పూర్తి
మంచిర్యాల, వెలుగు : మంచిర్యాల జిల్లా గుడిపేటలోని 13వ బెటాలియన్లో పోలీస్ కానిస్టేబుళ్ల పాసింగ్ అవుట్ పరేడ్ శుక్రవారం కన్నులపండువగా జరిగింది. తొమ్మిది నెలల ట్రెయినింగ్ సక్సెస్ఫుల్గా పూర్తిచేసుకున్న 548 మందికి అధికారులు పోస్టింగ్ ఆర్డర్లు అందజేశారు. వీరంతా రెండుమూడు రోజుల్లో డ్యూటీల్లో చేరనున్నారు. నిరుడు ఏప్రిల్ 1న ప్రారంభమైన ట్రెయినింగ్ కోసం మొత్తం 572 మంది బెటాలియన్లో రిపోర్ట్ చేశారు. ట్రెయినింగ్లో ఉన్నప్పుడే ఇద్దరు ఫైర్ డిపార్ట్మెంట్కు, ఇద్దరు డీఎస్సీ, 11 మంది గ్రూప్4, ఒక్కరు జూనియర్ లెక్చరర్గా సెలక్ట్ కాగా, 10 మంది వివిధ కారణాలతో ట్రెయినింగ్ నుంచి వెళ్లిపోయారు.
Also Read :- కేంద్ర ఉద్యోగులపై సీబీఐ దర్యాప్తుకు రాష్ట్రాల అనుమతి అక్కర్లే
ట్రెయినింగ్ పూర్తి చేసుకున్న వారిలో ఇంటర్ 106, డిప్లొమా 9, డిగ్రీ 270, పీజీ 41, బీటెక్ 70, ఎంటెక్ 3, ఎంసీఏ, ఎంబీఏ 32, ఫార్మసీ 7, బీఈడీ, ఎంఈడీ 6, బీపీఈడీ ఒక్కరు, ఎల్ఎల్బీ ఒక్కరు ఉన్నారు. రంగారెడ్డి జిల్లా కొత్తూర్ మండలం పెద్దగుట్ట తండాకు చెందిన నరేశ్ ఓవరాల్ చాంపియన్గా నిలిచి పరేడ్ కమాండర్గా వ్యవహరించారుమంచిర్యాల కలెక్టర్ కుమార్ దీపక్ చీఫ్ గెస్ట్గా హాజరుకాగా, అతిథులుగా అడిషనల్ కలెక్టర్ సబావత్ మోతీలాల్, డీసీపీ ఏ.భాస్కర్, బెటాలియన్ కమాండెంట్ పి.వెంకటరాములు పాల్గొన్నారు. ఈ సందర్భంగా కానిస్టేబుళ్లతో పాటు వారి కుటుంబీకులు తీవ్ర భావోద్వేగానికి లోనయ్యారు. కానిస్టేబుళ్లు సాహస విన్యాసాలతో ఆకట్టుకున్నారు.
