- రెండు నెలల్లో అందుబాటులోకి.. మరో 150 సెంటర్లకు ప్రతిపాదనలు
హైదరాబాద్ సిటీ, వెలుగు : హైదరాబాద్ జిల్లాలో త్వరలో 56 కొత్త అంగన్వాడీ సెంటర్లు ఏర్పాటు కానున్నాయి. మరో రెండు నెలల్లో సిటీలోని చార్మినార్, గోల్కొండ, ఖైరతాబాద్, నాంపల్లి, సికింద్రాబాద్ ఐసీడీఎస్ లపరిధిలో ఈ కేంద్రాలను ఏర్పాటు చేయడానికి జిల్లా మహిళా, శిశు సంక్షేమ శాఖ అధికారులు కసరత్తు చేస్తున్నారు. ఆసిఫ్నగర్మండలంలో ఏడు , ఖైరతాబాద్ మండలంలో ఐదు, బహదూర్పురా మండలంలో ఆరు, షేక్పేట మండలంలో నాలుగు, నాంపల్లి మండలంలో నాలుగు, సికింద్రాబాద్ మండలంలో నాలుగు, సైదాబాద్ మండలంలో ఐదు , తిరుమలగిరి మండలంలో ఐదు, ముషీరాబాద్ మండలంలో ఒకటి, బండ్లగూడ మండలంలో ఏడు, చార్మినార్ మండలంలో రెండు, గోల్కొండ మండలంలో రెండు, అమీర్పేట్మండలంలో ఒకటి, అంబర్పేట్మండలంలో మూడు సెంటర్లను ఏర్పాటు చేయనున్నారు.
ముఖ్యంగా స్లమ్స్లో అంగన్ వాడీ సెంటర్ల అవసరం ఎక్కువగా ఉందని గుర్తించిన అధికారులు అవసరాన్ని బట్టి మరో 150 అంగన్ వాడీ సెంటర్లు మంజూరు చేయాలని ప్రభుత్వానికి ప్రతిపాదనలు పంపారు.
