- అప్పుగా తీసుకున్న బస్తాల డబ్బు కట్టాల్సిందే
- కలెక్టర్రాజీవ్గాంధీ హన్మంతు
నిజామాబాద్, వెలుగు: యాసంగి సీజన్కోసం జిల్లాకు వచ్చే యూరియాలో 60 శాతం అమ్మకాలు సింగిల్విండో సొసైటీల ద్వారానే జరపాలని కలెక్టర్ రాజీవ్గాంధీ హన్మంతు ఆదేశించారు. 40 శాతం యూరియాను ప్రైవేట్ డీలర్లకు ఇవ్వాలన్నారు. బుధవారం ఆయన తన ఛాంబర్లో అగ్రికల్చర్ ఆఫీసర్లతో సమీక్ష నిర్వహించారు. కొన్ని సొసైటీలు మార్క్ఫెడ్ సప్లయ్చేసే యూరియాను రైతులకు అమ్మడం లేదని, మార్క్ఫెడ్కు డబ్బులు జమచేయడం లేదని అసంతృప్తి వ్యక్తం చేశారు.
అప్పుగా ఇచ్చిన యూరియాకు డబ్బులు చెల్లించడం తప్పనిసరన్నారు. పాత బకాయిలపై దృష్టిసారించాలని ఆదేశించారు. డీలర్లకు సరఫరా చేసే యూరియా సేల్స్ను ఈ–పాస్లో విధిగా నమోదు చేయించాలన్నారు. కృత్రిమ కొరత సృష్టించే వారిపై చర్యలు తీసుకోవాలని, అవసరమైతే లైసెన్స్లు క్యాన్సిల్ చేయాలన్నారు. సీజన్ మొత్తానికి 70 వేల మెట్రిక్టన్నుల యూరియా అవసరం కాగా, ప్రస్తుతం 27 మెట్రిక్ టన్నులు అందుబాటులో ఉన్నట్లు అధికారులు తెలిపారు.
సింగిల్ విండోల పరిధిలో సాగవుతున్న పంటల వివరాల ఆధారంగా అమ్మకాలు చేయించాలని కలెక్టర్ చెప్పారు. అవసరానికి మించి కొనుగోళ్లను ప్రోత్సహించొద్దన్నారు. నకిలీ విత్తనాలు, క్రిమిసంహారక మందులతో రైతులు ఇబ్బందులు పడకుండా తనిఖీలు చేపట్టాలన్నారు. అడిషనల్కలెక్టర్ యాదిరెడ్డి, జిల్లా అగ్రికల్చర్ఆఫీసర్ వాజీద్ హుస్సేన్, డీసీవో సింహాచలం, మార్క్ఫెడ్ డీఎం రంజిత్రెడ్డి, ఏవోలు పాల్గొన్నారు.
