హైదరాబాద్ సిటీ, వెలుగు: హైదరాబాద్ నెహ్రూ జూలాజికల్ పార్క్ ను దేశంలోనే టాప్త్రీ జూపార్కుల్లో ఒకటిగా ప్రకటించడం చాలా గర్వంగా ఉందని పార్క్ క్యూరేటర్, ఐఎఫ్ఎస్ సునీల్ ఎస్ హిరేమత్అన్నారు. అంతరించిపోతున్న ఆసియాటిక్ లయన్స్, రాయల్ బెంగాల్ టైగర్స్, వైట్ టైగర్స్, ఒంటికొమ్ము ఖడ్గమృగం తదితర జంతువుల పెంపకంలో హైదరాబాద్ జూ మైల్ స్టోన్ చేరుకుందన్నారు. హైదరాబాద్ జూ 61వ ఆవిర్భావ దినోత్సవాలకు ఆయన ముఖ్య అతిథిగా హాజరయ్యారు. మారుతున్న కాలానికి అనుగుణంగా టెక్నాలజీని వినియోగించడంలో జూ పార్క్ ముందుందన్నారు.
ఆన్లైన్ టికెట్ బుకింగ్ సిస్టమ్, మొబైల్ యాప్ తీసుకురావడంతోపాటు సోషల్ మీడియాలో జూపార్క్ యాక్టివ్ గా ఉందని చెప్పారు. ‘వన్యప్రాణి వారం’లో భాగంగా డ్రాయింగ్, ఆటల పోటీల్లో గెలిచిన జూ ఉద్యోగులకు సర్టిఫికేట్స్,మెమోంటోలు అందజేశారు. తర్వాత జూపార్క్మహిళా సిబ్బంది, సందర్శకులతో గోల్డెన్ జూబ్లీ పైలాన్ వద్ద బతుకమ్మ ఆడారు. కార్యక్రమంలో డిప్యూటీ క్యూరేటర్లు బర్నోబా, ఎంఏ హకీమ్, అసిస్టెంట్క్యూరేటర్లు విష్ణువర్థన్, అమృతమ్మ, లక్ష్మణ్, డిప్యూటీ రేంజ్ఆఫీసర్లు మాధవిలత, దేవేందర్ దాసియా తదితరులు పాల్గొన్నారు.
రూ.25 లక్షలు డొనేట్చేసిన గ్లాండ్ ఫార్మాసూటికల్స్
జూపార్క్లో 20 వేల లీటర్ల సామర్థ్యం ఉన్న రివర్స్ఓస్మోసిస్ వాటర్ యూనిట్ను ఏర్పాటు చేయడానికి సికింద్రాబాద్ బొల్లారం ప్రాంతానికి చెందిన గ్లాండ్ ఫార్మాసూటికల్స్ లిమిటెడ్ కంపెనీ మేనేజింగ్ ట్రస్టీ కెప్టెన్ రఘురామ్ రూ. 25 లక్షల చెక్కును సునీల్ హిరేమత్కు అందజేశారు. గతేడాది కూడా జూపార్క్ కు రోడ్ ట్రైన్ ను గ్లాండ్ ఫార్మాసూటిక్స్ డొనేట్ చేసింది.
