చనిపోయాడని ఓ కోటీశ్వరుడిని కోర్టు ధృవీకరించింది. 2018లో అదృశ్యమయిన జర్మనీకి చెందిన 64 ఏళ్ల ఓ కోటీశ్వరుడు ఇక లేడని .. 2021చనిపోయాడని చట్టబద్దంగా అక్కడి కోర్టు చెప్పింది. అయితే అలా కోర్టు చెప్పిన కొన్నాళ్లకు రష్యాలో ఓ మహిళతో కనిపించాడు. వివరాల్లోకి వెళితే..
కోటీశ్వరుల వ్యక్తిగత విషయాలు.. వ్యాపార లావాదేవీలు.. ఇంకా వారికి సంబంధించిన విషయాలపై ఓ పక్క మీడియా.. మరో పక్క ప్రపంచం ఆరా తీస్తూనే ఉంటుంది. సోషల్ మీడియా ప్రపంచంలో గొప్ప వ్యక్తులకు సంబందించిన ఏ విషయమైనా.. అది ఫేస్ బుక్, ట్విట్టర్, ఇన్స్ట్రాగ్రామ్ లాంటి సామాజిక మాధ్యమాల్లో ప్రత్యక్షమవుతుంది. కొన్ని సంఘటనలు ఒక్కోసారి ఆశ్చర్యం కలిగే సంఘటనలు తరచూ వైరల్ అవుతాయి. ఇప్పుడు అలాగే జర్మన్ కు చెందిన ఓ బిలియనీర్ విషయం సోషల్ మీడియాలో చక్కెర్లు కొడుతుంది. కార్ల్-ఎరివాన్ హాబ్ అనే వ్యక్తి ఆల్ప్స్ పర్వతాలలో తిరుగుతూ 2018లో హఠాత్తుగా అదృశ్యమయ్యాడు. కుటుంబంలోని వ్యక్తి ఎవరైనా కనపడకపోతే ఆ కుటుంబసభ్యుల ఆవేదన అంతా ఇంతా కాదు. చాలా రోజులుగా ఆయన కోసం జర్మన్ పోలీసులు గాలించారు. ఆయన మృతదేహం కూడా ఎక్కడా లభించలేదు.. ఆయన ఆచూకీ కూడా దొరకలేదు. దీంతో ఎరివాన్ మరణించినట్లు 2021లో అక్కడి కోర్టు చట్టబద్దంగా ధృవీకరించింది. దీంతో ఆయన కుటుంబసభ్యులు తీవ్ర విషాదంలో మునిగిపోయారు. ఆయనకు భార్య, ఇద్దరు పిల్లలున్నారు.
కార్ల్-ఎరివాన్ హాబ్ స్విట్జర్లాండ్‌లోని మాటర్‌హార్న్ పర్వతంపై స్కీయింగ్ శిక్షణ తీసుకుంటున్నాడు. అతనిని చివరిగా ఓ రోజు ఉదయం స్కీ లిఫ్ట్‌ అనే మహిళకు ఒంటరిగా నడుచుకుంటూ కనిపించాడని పోలీస్ విచారణలో తేలింది. ఆ తరువాత ఎరివాన్ ఆయన ఇంటికి గాని.. ఆయన తరచూ వెళ్లే హోటల్లో సంప్రదించినా రాలేదు. ఆయన కోసం రెస్క్యూ టీమ్ ... ఐదు హెలికాప్టర్ల సాయంతో వెతికారు. అయినా ఎరివాన్ ఆచూకీ లభించక పోడంతో 2021 లో, జర్మన్ కోర్టు అతన్ని చట్టబద్ధంగా చనిపోయినట్లు ప్రకటించింది.
చనిపోయినట్లు ధృవీకరించిన కార్ల్-ఎరివాన్... ఆస్తులు 5.2 బిలియన్ పౌండ్లుగా అంచనా జర్మన్ ప్రభుత్వం అంచని వేసింది. ఎరివాన్ ఓ పెద్ద సంస్థ టెంగెల్‌మాన్‌ ను నడుపుతున్నారు. అందులో సుమారుగా 75 వేలకుపైగా ఉద్యోగులు ఉన్నారు. అతని సోదరుడు క్రిస్టియన్తన సోదరుడు మరణించినట్లు కోర్టు ధృవీకరించిందని కోర్టులో అఫిడవిట్ దాఖలు చేశారు. ఇదిలా ఉండగా జర్మన్ మీడియా ఓ అదిరిపోయే వార్తను ప్రసారం చేసింది. 2018 లో తప్పిపోయన ఎరివాన్ మాస్కోలో ( రష్యా) ఓ మహిళతో ఉన్నాడని.. కొతమంది ప్రత్యక్ష సాక్షులు కూడా ఉన్నారని జర్మన్ మీడియాలో వార్తలొచ్చాయి.
, కార్ల్-ఎరివాన్ ...వెరోనికా ఎర్మిలోవా అనే మహిళతో నివసిస్తున్నారని తెలిపింది. వెరోనికా కూడా చాలా ధనవంతురాలు. అయితే ఎరినోవా 2018 లో అదృశ్యమయ్యే ముందు వెరోనికా ఫోన్‌కి మూడు రోజుల్లో 13 సార్లు కాల్ చేసినట్లు కూడా ప్రచారం జరుగుతోంది. ఆ ఫోన్ సంభాషణలు కొన్ని గంటల పాటు జరిగాయని జర్మన్ మీడియా ద్వారా తెలుస్తోంది. 44 ఏళ్ల వెరోనికా సెయింట్ పీటర్స్‌బర్గ్‌లో ప్రజలకు స్కీయింగ్ శిక్షణ ఇచ్చే ఈవెంట్ ఏజన్సీని నడుపుతుంది, అంతే కాకుండా ఆమె రష్యా గూఢచార సంస్థ ఎఫ్‌ఎస్‌బిలో పనిచేస్తున్నట్లు ప్రచారం జరుగుతోంది. అయితే ఇప్పుడు జర్మన్ పోలీసులు, నిఘా సంస్థలు ఎరినోవా అదృశ్యం కేసు గురిచి మళ్లీ విచారణ చేపట్టాయి.
