హైదరాబాద్, వెలుగు: రాష్ట్రంలో జరుగుతున్న గ్రూప్ 1 మెయిన్స్ ఎగ్జామ్స్ మూడోరోజూ ప్రశాంతంగా ముగిశాయి. మంగళవారం జరిగిన ‘హిస్టరీ, జాగ్రఫీ, కల్చర్’ పరీక్షకు 31,403 మందికి గాను 21,429 (68.2%) మంది హాజరయ్యారని టీజీపీఎస్సీ సెక్రటరీ నవీన్ నికోలస్ తెలిపారు. ఈ పరీక్షలో తెలంగాణ రైతాంగ సాయుధ పోరాటం, మిషన్ కాకతీయ, సమ్మక్క సారలమ్మ జాతర, హైదరాబాద్ రాజ్యంలో దళిత ఉద్యమం, ఆరు, ఏడో నిజాం కాలంలో అభివృద్ధి, హైదరాబాద్లో ప్రజారవాణ వ్యవస్థ, గోల్కొండ రాజ్యంలో కుతుబ్ షాహీల పాలన, 1857 తిరుబాటు తర్వాత బ్రిటీష్ పాలనలో మార్పు వంటి తదితర అంశాలపై క్వశ్చన్లు వచ్చాయి.
