నిర్మల్, వెలుగు: నిర్మల్ జిల్లా కేంద్రం నుంచి నిర్మిస్తున్న ఎన్హెచ్ 61లో ఏడు అండర్పాస్లు రానున్నాయి. హైవేపై అటవీ జంతువుల ప్రమాదాలను నివారించేందుకు నేషనల్ గ్రీన్ ట్రిబ్యునల్, పర్యావరణ మంత్రిత్వ శాఖ అండర్పాస్ లు తప్పనిసరిగా ఉండాలని ఆర్అండ్బీని ఆదేశించింది. దీంతో రిజర్వ్ ఫారెస్ట్ జోన్లో అండర్పాస్ కు అధికారులు అంగీకరించారు. వీటి నిర్మాణానికి ఇటీవలే రూ. 80.5 కోట్ల నిధులు విడుదలయ్యాయి.
నిర్మల్ నుంచి ఖానాపూర్ మధ్యలో..
నిర్మల్ నుంచి ఖానాపూర్ మీదుగా జగిత్యాల జిల్లా చల్గల్ వరకు ఎన్హెచ్ 61 నిర్మాణం జరుగుతోంది. నిర్మల్ , ఖానాపూర్ ప్రాంతాలు కవ్వాల్ టైగర్ రిజర్వ్ జోన్ పరిధిలో ఉన్నాయి. ఈ ప్రాంతంలో నేషనల్ హైవే 61 ప్రతిపాదనలు నాలుగేండ్ల కింద వచ్చాయి. కానీ, రిజర్వ్ ఫారెస్ట్ రూల్స్వల్ల పనులకు గతంలో అనుమతి రాలేదు. నిర్మల్ నుంచి ఖానాపూర్ వరకూ హైవే నిర్మించాలంటే చెట్లు తొలగించాల్సి ఉంటుంది.
పైగా హైవే పై అటవీ జంతువుల ప్రమాదాలు పెరిగే అవకాశం ఉంది. ఈ ప్రమాదాలను నివారించేందుకు నేషనల్ గ్రీన్ ట్రిబ్యునల్ కలుగజేసుకుంది. అవసరమైన చోట అండర్పాసులు నిర్మించాలని, రోడ్డు కోసం ఒక్క చెట్టు నరికితే... పది చెట్లు నాటలని రూల్స్ పెట్టింది. వీటికి ఆర్అండ్బీ అధికారులు అంగీకరించడంతో హైవేపనులు షురూ అయ్యాయి. ఈ మార్గంలో వన్య ప్రాణులు ఎక్కువగా సంచరించే ప్రాంతాలను అటవీశాఖ సర్వే ద్వారా గుర్తించింది.
ఫండ్స్ మంజూరు..
రిజర్వ్ జోన్ లో హైవే నిర్మిస్తున్నందుకు నేషనల్హైవే ఆర్అండ్బీ రూ. 14.30 కోట్లను అటవీ శాఖకు చెల్లించింది. ఈ అండర్ పాస్ ల ను బోరిగామ, మామడ, దిమ్మ దుర్తి మధ్యలో మూడు, దిమ్మదుర్తి – ఎగ్బాల్ పూర్ మధ్య రెండు, ఖానాపూర్ , ఎగ్బాల్ పూర్ మధ్యలో రెండు అండర్ పాస్లు కట్టాలని అధికారులు నిర్ణయించారు.
రెండు హైవేల లింక్
నిర్మల్ నుంచి ఖానాపూర్ మీదుగా జగిత్యాల జిల్లా చల్గల్ వరకు నిర్మిస్తున్న నేషనల్ హైవే నెంబర్ 61 పనులు పూర్తయితే నిజామాబాద్ జిల్లా జగదల్పూర్ వరకు ఉన్న నేషనల్ హైవే నెంబర్ 63 తో లింక్ అవుతుంది. ప్రస్తుతం నిర్మల్ నుంచి ఖానాపూర్ వరకు రోడ్డు పనులు కొనసాగుతున్నాయి. రెండో దశలో ఖానాపూర్ నుంచి చల్గల్ వరకు హైవే పనులు చేపట్టనున్నారు.
టెండర్ ప్రక్రియ నడుస్తోంది..
నిర్మల్ నుంచి ఖానాపూర్ వరకు నిర్మిస్తున్న నేషనల్ హైవే పై ఏడు చోట్ల అండర్ పాసులను నిర్మిస్తున్నాం. కొద్ది రోజుల్లోనే టెండర్ ప్రక్రియ పూర్తి చేస్తాం. ఇప్పటికే మూడు అండర్ పాస్ ల బాధ్యతను ప్రస్తుత పనులు చేస్తున్న కాంట్రాక్టర్ కు అప్పగించాం. మిగతా నాలుగు అండర్ పాస్ ల నిర్మాణానికి టెండర్లు ఆహ్వానిస్తాం. నేషనల్ గ్రీన్ ట్రిబ్యునల్ , పర్యావరణ మంత్రిత్వ శాఖ రూల్స్కుఅనుగుణంగా ఈ అండర్ ు పాస్ ల నిర్మాణాలను చేపట్టనున్నాం. - సుభాష్, డీఈ, నేషనల్ హైవే ఆర్ అండ్ బీ, నిర్మల్.
