ఛత్తర్ పూర్(మధ్యప్రదేశ్): మధ్యప్రదేశ్లో ఘోర ప్రమాదం జరిగింది. ట్రక్కును ఆటో రిక్షా ఢీకొట్టడంతో చిన్నారితో సహా ఏడుగురు మరణించారు. మంగళవారం తెల్లవారుజామున మధ్యప్రదేశ్ ఛత్తర్ పూర్ జిల్లాలో ఈ విషాదం చోటు చేసుకుంది.
ఆటో రిక్షాలో13 మంది ఉత్తరప్రదేశ్‌‌‌‌లోని మహోబా నుంచి ఛత్తర్ పూర్ లోని బాగేశ్వర్ ధామ్‌‌‌‌కు వెళ్తున్నారు. నిలబడి ఉన్న ట్రక్కును ఆటో రిక్షా ఢీకొట్టడంతో ఏడుగురు చనిపోయారు. ఆరుగురు గాయాల పాలయ్యారు. సమాచారం అందుకున్న పోలీసులు వెంటనే ఘటన స్థలానికి చేరుకున్నారు. సహాయక చర్యలు చేపట్టారు. గాయపడిన వారిని చికిత్స కోసం ఝాన్సీలోని ఆస్పత్రికి తరలించారు.
