హైదరాబాద్, వెలుగు: రాష్ట్రంలోని ఎంఈ, ఎంటెక్, ఎంఫార్మసీ తదితర కోర్సుల్లో ప్రవేశాల కోసం నిర్వహించిన టీజీఈసెట్ ఫస్ట్ ఫేజ్ సీట్ల అలాట్ మెంట్ ప్రక్రియ పూర్తయింది. ఆయా కోర్సుల్లో కన్వీనర్ కోటాలో మొత్తం 9,454 సీట్లుండగా, 7,128 మందికి సీట్లు అలాట్ అయ్యాయని అడ్మిషన్ల కన్వీనర్ ప్రొఫెసర్ రమేశ్ బాబు తెలిపారు.
వెబ్ ఆప్షన్లు10, 923 మంది పెట్టుకున్నప్పటికి కొందరికీ సీట్లు అలాట్ కాలేదని చెప్పారు. ఎంఈ, ఎంటెక్ కోర్సుల్లో 5,891 సీట్లుంటే.. 4,330 మందికీ, ఎంఫార్మసీలో 3,395 సీట్లుంటే.. 2,747 మందికి సీట్లు అలాట్ అయ్యాయని పేర్కొన్నారు. సీట్లు పొందిన అభ్యర్థులు ఈ నెల 19లోగా రిపోర్టు చేయాలని సూచించారు.
