కుత్బుల్లాపూర్ మేడ్చల్ పోలీస్ స్టేషన్ పరిధిలో దారుణం జరిగింది. గుండ్ల పోచంపల్లి మున్సిపాలిటీ బాసరగడి గ్రామంలో గోనె సంచిలో బాలిక మృతదేహం కనిపించింది. ఘటనా స్థలానికి వచ్చిన పోలీసులు బాలిక మృతదేహాన్ని అదిలాబాద్ జిల్లా చెందిన ప్రభాకర్ కూతురిదిగా గుర్తించారు.
7 నెలల నుంచి ప్రభాకర్ ఫ్యామిలీతో సూరారంలో నివాసం ఉంటున్నాడు. అక్టోబర్ 12న కూతురు జోష్న(7) కనిపించడం లేదని సూరారం పోలీసులకు ఫిర్యాదు చేశాడు . పోలీసులు మిస్సింగ్ కేసుగా నమోదు చేశారు. ఈ క్రమంలో ఇవాళ బాసరగడి గ్రామంలో గోనెసంచిలో బాలిక మృతదేహం కనిపించింది. కేసు నమోదు చేసి దర్యాప్తు చేస్తున్నారు పోలీసులు. బాలికను ఎవరు హత్య చేశారు..ఎందుకు హత్య చేశారనే కోణంలో దర్యాప్తు చేస్తున్నారు.
